साइनो समाचारदाता
पथरी । मोरङको पथरीशनिश्चरे नगरपालिकामा आज एकैदिन ७ जनामा कोरोना संक्रमणको पुष्टि भएको जानकारी गराएको छ । क्वारेन्टाइनका ४ जना र समुदायस्तरका ३ जना सहित ७ जनामा कोरोना संक्रमणको पुष्टि भएको हो ।
देशभर लकडाउन जारी रहेपनि पथरीशनिश्चरे नगरपालिकाले भने लकडाउनको कार्यान्वयन गराउन नसकेको भन्दै नगरको चौतर्फी आलोचना भइरहेको छ । नगरले लकडाउन र शिल घोषणा गरेपनि नगरमा कार्यान्वयन गराउन सकिरहेको थिएन । कतिपय जनप्रतिनिधि र कर्मचारीले समेत लकडाउन र शिलको उल्लंघन गरेको देखिन्छ ।
लकडाउनको समयमा पथरी बजारभित्रका होटलहरुमा जनप्रतिनिधी र कर्मचारीहरु नै होटलबाहिर गाडी राखि भित्र खानपिनमा ब्यस्त देखिन्छन् । जसले गर्दा नगरबासिले कर्मचारी र जनप्रतिनिले गरेको लकडाउनको आह्वान अवज्ञा गरेको पाइन्छ । जसका ज्वालन्त उदाहरण समुदायस्तरमै कोरोनाको लक्षण देखिनु हो ।
केहीदिन अघि पथरीको क्वारेन्टाइन व्यवस्थित नभएको भन्दै क्वारेन्टाइनमै बसेका ब्यक्तिले त्यहाँको फोहोरको डँगुरसहितको तस्बिर तथा भिडियो सार्वजनिक गरेका थिए । उक्त फोटो सार्वजनिक भएपछि नगरको चर्को आलोचना भएको थियो । अहिले क्वारेन्टाइनका ४ जनालाई कोरोना पुष्टि भएको छ ।
क्वारेन्टाइनको अवस्थासहितको फोटो तथा भिडियो सार्वजनिक गर्ने भारतिय सेनामा कार्यरत एक व्यक्तिले आफु तन्दुरुस्त रहेको र क्वारेन्टाइनको अवस्था सार्वजनि गरेको कारण आफुहरुलाई त्रसित गराएको आरोप लगाएका छन् ।उनले भने ‘हामिलाई कोरोना लागेको भए यहिको असुरक्षीत क्वारेन्टाइनले सारेको हो । हामि पल्टनमा हुँदा क्वारेन्टाइनमा बसि परिक्षण गरि आएका हौँ । मँ सँगै आएका धरानका १० जना साथीहरु घर फर्किसके मलाई कसरी कोरोना लाग्यो त ?’उनिसहित क्वारेन्टाइनमा बसेका अन्य व्यक्ति भने पून परिक्षणको माग राख्द आइसोलेसन नजाने अडान लिरहेका छन् ।
















