साइनो समचारदाता
काठमाडौं । बुधवार राजधानीको बागबजारस्थित होटल हार्दिकमा आयोजित सभामा शेर्पा पत्रकार संघ नेपालको तेस्रो साधरण सभामा सम्पन्न भएको छ । हिमाल, शेर्पा र पर्यटन विषयमा कलम चलाउँदै आएका तीन पत्रकारहरुलाई पुरस्कृत गरिएको हो । यसरी पुरस्कृत हुनेहरुमा नागरिक दैनिकका खिलक बढाथोकी, गोरखापत्र दैनिककी सोनाम याङ्जी शेर्पा र अन्नपूर्ण पोष्ट देनिकका छेटु शेर्पा रहेका छन् ।


यसैगरी अन्नपूर्णका छेटु प्रथम शेर्पा लेखिका लाक्पा फुटी शेर्पा पर्यटन पत्रकारिता पुरस्कारबाट पुरस्कृत भएका हुन् । यस पुरस्कारको राशि ५,५५५ रुपैयाँ रहेको छ । संघले अघिल्लो वर्ष एभरेष्ट टाइम्सका प्रधान सम्पादक आङछिरिङ शेर्पा, रेडियो नेपालकी मिङमा शेर्पा, दि हिमालयन टाइम्सका राजन पोखरेल र एभिन्यूज टेलिभिजनका लाक्पा शेर्पालाई पुरस्कृत गरेको थियो । कार्यक्रममा प्रमुख अतिथि यज्ञराज सुनुवार, शेर्पा पत्रकार संघ नेपालका पासाङ शेर्पा, संघीय सांसद जिपछिरिङ लामा, प्रदेश नं ३ का सांसद आङदेम्वे लामा, प्रथम शेर्पा लेखिका लाक्पा फुटि शेर्पा, नपाल शेर्पा संघका अध्यक्ष आङदोर्जे लामा, अन्तराष्ट्रिय पर्वतारोहन संघका सदस्य आङ छिरिङ शेर्पा, नेपाल आदिवासी जनजाति संघका पूर्व महासचिव आङकाजी शेर्पा लगायतको उपस्थिति रहेको थियो । कार्यक्रममा शेर्पा पत्रकार संघ नेपालले सञ्चालन गरेको उद्घोषण, पत्रकारिता र माइन्ड टेक्नोलोजिको तालिममा सहभागी ९४ जनालाई प्रमाणपत्र समेत प्रदान गरेको थियो। कार्यक्रममा तालिम दिने प्रशिक्षकहरु साथै नेपालको पहिलो लेडी गल्फर खेलाडी प्रतिमा शेर्पालाईसमेत सम्मान गरेको थियो ।
















