उद्घाटन खेलमा आयोजक पथरी–११ लाई हराउदै यूकेएफसी कर्साङ सेमिफाइनलमा प्रवेश - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • शुक्रबार, मङि्सर ०५, २०८३

उद्घाटन खेलमा आयोजक पथरी–११ लाई हराउदै यूकेएफसी कर्साङ सेमिफाइनलमा प्रवेश

सुजन दियाली/ पथरी, १७ असोज 
मोरङको पथरी शनिश्चरेमा आजबाट सुरु भएको तेस्रो अन्तर्राष्ट्रिय आमन्त्रण पथरी शनिश्चरे गोल्डकप–२०८३ को उद्घाटन खेलमा भारतको यूकेएफसी कर्साङ विजयी भएको छ । यूकेएफसीले आयोजक पथरी–११ फुटबल क्लबलाई सडन डेथमा पराजित गर्दै सेमिफाइनलमा प्रवेश गरेको हो ।
निर्धारित समयको खेल बराबरीमा सकिएपछि खेलको निर्णय टाइब्रेकरबाट गरिएको थियो । टाइब्रेकरमा समेत बराबरी भएपछि सडन डेथमार्फत खेलको निर्णय लिइएको थियो। सडन डेथमा आयोजक पथरी–११ लाई ८-७ गोल अन्तरले पराजित गर्दै यूकेएफसी कर्साङले सेमिफाइनलमा स्थान सुरक्षित गरेको छ ।
खेलमा उत्कृष्ट प्रदर्शन गरेका यूकेएफसी कर्साङका गोल रक्षक सचिन गुरुङ खेलको म्यान अफ द म्याच घोषित भएका हुन। उनले नगद ७ हजार ५ सय रुपैयाँ सहित पुरस्कृत भए । उनले टाइब्रेकरमा दुई प्रहार रोक्दै टोलीको जितमा महत्वपूर्ण योगदान दिए।
 उद्घाटन खेलका क्रममा पानी परे पनि खेल हेर्न दर्शकहरूको उत्साहजनक उपस्थिति रहेको थियो । प्रतियोगिताको उद्घाटन पथरी शनिश्चरे नगरपालिकाका नगर प्रमुख मोहन प्रसाद तुम्बापोले गर्नु भएको थियो । उद्घाटन समारोहमा इलाका प्रहरी कार्यालय पथरीका प्रमुख डीएसपी विरदत्त पन्त, नगरपालिकाका शिक्षा शाखा प्रमुख नवीन खुलाल, वडा नम्बर २ का वडाध्यक्ष नैना राई, वडा नम्बर ३ का वडाध्यक्ष विजय लिम्बु लगायतको उपस्थिति रहेको थियो। प्रतियोगितामा उपस्थित अतिथि, दर्शक र खेलाडीहरुलाई पथरी–११ फुटबल क्लबका अध्यक्ष सुमन विकले शुभकामना ब्याक्त गर्नु भएको छ ।
प्रतियोगिताअन्तर्गत आइतबार न्युरोड टिम (एनआरटी) काठमाडौं र सहलेस युवा क्लब सिराहाबीच प्रतिस्पर्धा हुने आयोजक समितिका सचिव केशर राईले जानकारी दिएका छन्।
प्रतियोगिताको विजेता टोलीले ६ लाख रुपैयाँ तथा उपविजेता टोलीले ३ लाख रुपैयाँ नगदसहित ट्रफी, मेडल र प्रमाणपत्र प्राप्त गर्नेछ। प्रतियोगिताका लागि पथरी शनिश्चरे नगरपालिकाले १० लाख रुपैयाँ सहयोग गर्ने घोषणा गरेको छ।

सम्बन्धित खवर