साइनो समाचारदाता / पथरी, २७ चैत्र
मोरङ पथरी शनिश्चरे नगरपालिकाले लिएको कक्षा–८ को परिक्षामा फेरि पनि वाल्मीकि इ बोडिङ स्कुल र एभरेष्टले 4GPA ल्याउन सफल भएको छ । नगरले लिएको परिक्षामा वाल्मीकिका दुई र एभरेष्टका एक जना 4GPA ल्याउन सफल भएका हुन । नगरले लिएको कक्षा ८ को परिक्षामा १४८२ विद्यार्थी सहभागी भए पनि १२ सय ३२ विद्यार्थी पास भएका छन ।

4GPA ल्याउनेमा बाल्मिकीकी श्रेया कार्की, सुजित केदेम र एभरेष्टका सुलभ तिम्सिना रहेका छन । गत बर्ष पनि नगरले लिएको कक्षा ८ को परिक्षामा बाल्मिकीका ३ र एभरेष्टका एक छात्राले 4GPA ल्याउन सफल भएका थिए । आज पथरी शनिश्चरे नगरपालिका शिक्षा शाखाले परिक्षा सार्वजनीक गर्दै पुरक परिक्षा लिएर ग्रेड वृद्वी गर्ने बताएको छ । नगरले सार्वजनीक गरेको नतिजामा सामुदायीक विद्यालय कम्जोर देखिएको छ । पथरी शनिश्चरे वडा नं ८ को दुर्गा आधारभुत विद्यालय मात्र सतप्रतिसत नतिजा निकाल्न सफल रहेको छ । निजी तर्फ भने नगरका दश विद्यालयले सतप्रतिशत नतिजा निकाल्न सफल भएको छ ।
४२ निजी तथा सामुदायिक विद्यालय सहभागी भएको परिक्षामा २५० विद्यार्थी फेल भएका छन । उक्त परिक्षामा ११ विद्यालयले मात्र सतप्रतिसत नतिजा निकाल्न सफल भएका छन । सतप्रतिसत नतिजा निकाल्नेमा बालजागरण विद्या मन्दिर, दुर्गा आधारभुत विद्यालय पथरी शनिश्चरे ८, ग्रेटग्रेसइ. बोडिङ स्कुल, डनबक्स इ. बोडिङ स्कुल हसन्दह, कंचनजङ्गा इ बोडिङ स्कुल, के वि स्मारक इ बोडिङ स्कुल, किर्तिपुर एकेडेमी, पेगोडा मोडल इ बोडिङ स्कुल, न्यू पेगोडा इ बोडिङ स्कुल, सिद्धार्थ इ बोडिङ स्कुल, सुपर्व इ बोडिङ स्कुल रहेका छन ।
















