पथरी, ५ मंसिर
२०८२ सालको पथरी शनिश्चरे नगर स्तरिय प्याब्सन लोकनृत्य प्रतियोगिताको उपाधी सिनियरतर्फ मेरिगोल्ड ईङ्लिस स्कुल र जुनियतर्फ एभरेष्ट आवासिय माविले चुमेको छ । सिनियरतर्फ प्रथम स्थान हासिर गरेका मेरिगोल्डले जुनियरतर्फ पनि फस्ट रनर अप हुदै जिल्ला छनोट भएको छ । त्यस्तै जुनियतर्फ प्रथम प्रथम स्थान हासिल गरेको एभरेष्ट सिनियरतर्फ फस्ट रनर अप जिल्ला लोकनृत्यमा छनोट भएकाछन ।

प्रतियोगितामा सिनियरतर्फ रेडस्टार ईङ्लिस बोर्डिङ स्कुलले सेकेन्ड रनर र अप र जुनियर समूहतर्फ अरुणोदय ईङ्लिस स्कुल सेकेन्ड रनर अप बन्दै जिल्लामा छनोट भएका छन् । छनोट विद्यालय आगामी मंसिर १३ गते हुने प्याब्सन जिल्ला स्तरीय लोकनृत्य प्रतियोगितामा प्रतिस्पर्दा गर्ने छन । प्रतियोगितामा जुनियरतर्फ ११ र सिनियरतर्फ ६ समूह सहभागी थिए ।
विजेता तथा उत्कृष्ट प्रदर्शन गर्ने टोलीहरूलाई पथरी शनिश्चरे नगर शिक्षा शाखा प्रमुख नविन खुलाल बुढाथोकी, बिना मिश्र लगायतले ट्रफी, प्रमाणपत्र र पुरस्कार प्रदान गरेका थिए । विद्यार्थीहरूले थारु, मारुनी, कौडा, झाँक्री, माझी, मेचे, साकेला लगायतका संस्कृतिलाई झल्काउने नृत्य प्रस्तुत गर्दा रंगिन भेषभूषा र आकर्षक श्रंगारले कार्यक्रम मनमोहक बनेको थियो ।

५ गते शुक्रबार पथरी शनिश्निश्चरे नगर प्याब्सन पथरी शनिश्चरेको आयोजनामा भएको प्रतियोगिता नगर भित्रका निजि विद्यालयले भाग लिएका थिए । प्रतियोगिता भुपू सैनिक ईङ्लिस स्कुल परिसरमा सम्पन्न भएको प्रतियोगिताको उद्घाटन पथरी शनिश्चरे नगर प्रमुद मोहन प्रसाद तुम्बापोले गर्नु भएको थियो ।


















