पथरी, ९ कार्तिक
मोरङको पथरी शनिश्चरेमा चोरीका घटनाहरु हुन थालेका छन् । कार्तिक ९ गते आईतवार साँझ ३ देखी ५ बजेको समयमा एउटा मोटरसाईकल चोरी भएको छ । पाँचथरबाट पथरी शनिश्चरे मरिमराउमा भेटघाट गर्न आएका सुनिल मगरको कालो रातो रंगको प्रदेश १-०२/ 0५५ प ८०७९ नम्वरको बाईक पार्किङ गरेर राखेकै ठाँउबाट चोरी भएको हो । पथरी शनिश्चरे नगरपालिका उत्तर मन्दिर नजिकै पार्कीङमा लक गरि राखेको बाईक चोरी भएको हो ।

साँझको समय र नजिकै सिसि क्यामरा नभएकाले चोरको पहिचान हुन सकेन । नगरपालिका उत्तर खालि चौरमा सुरक्षा हुन्छ भनेर बाईक राखि बजार भरेर निस्कदा बाईक हराएको हो । बाईक हराए लगतै प्रहरीलाई जानकारी गराए मगरले बताए । राखेकै ठाउँबाट चोरी भएको हुदा देख्नु हुने महानुभावले नजिकैको प्रहरी कार्यलय वा ९८६०७०५७५९ मा सम्पर्क गरिदिन मगरले आग्रह गरेका छन् ।
पछिल्लो समय जेन जी आन्दोलनबाट सिथिल बनेको प्रहरी र समाजको मौका छोपी चोरले फाइदा उठाउदै मोटर साईकल चोरी गर्ने गरेको देखिन्छ । आन्दोलन पछि सुरक्षाका लागि राखिएको सिसि क्यामेरा समेत तोडफोड भएकाले खोजी कार्य र चोर पहिचान गर्न कठिन भएको ईलाका प्रहरी कार्यलय पथरीले बताएको छ ।
















