गोपाल काफ्ले, पथरी, १३ कार्तिक
दोस्रो इन्ट्रा पथरी शनिश्चरे गोल्डकपको सम्पुर्ण तयारी पुरा भएको छ । १५ कार्तिक देखि २२ सम्म संचालन हुन लागेको खेलमा ए डिभिजनका सहित ८ टिमको सहभागिता रहने छ । आयोजक इन्ट्रा पथरी ११ फुटबल क्लबले टाईसिट तथा ट्रफि सार्वजनीक गर्दै खेलको सम्पुर्ण तयारी पुरा भएको जानकारी दिएको हो ।

१५ कार्तिकबाट सञ्चालन हुने प्रतियोगितामा संकटा र न्यूरोड टिम (एनआरटी) बिग्रेड ब्वाइज, सिराहाको सलहेस युवा क्लब, झापा ११ फुटबल क्लब, पाँचथर फुटबल क्लब, भारतको सिलीगुडी कञ्चनजंघा फुटबल क्लब भारत र आयोजक इन्ट्रा पथरी ११ फुटबल क्लबले प्रतिस्पर्दा गर्ने क्लबका अध्यक्ष सुमन विकले जानकारी दिए।
गोल्डकपको विजेताले ५ लाख रुपैयाँ नगद र ट्रफी प्राप्त गर्नेछ भने उपविजेताले २ लाख ५० हजार रुपैयाँमा चित्त बुझाउनु पर्ने छ । प्रत्येक खेलका म्यान अफ द म्याचले नगद ५ हजार पाउने छ । यस्तै विधागत रूपमा सर्वोत्कृष्ट खेलाडीलाई २५ हजार, उत्कृष्ट गोलकिपर, उत्कृष्ट डिफेन्डर, उत्कृष्ट मिडफिल्डर, उत्कृष्ट फरर्वड र उत्कृष्ट प्रशिक्षकलाई जनही १०/१० हजारले पुरस्कृत गरिने भएको छ । यो पुरस्कार राशि गत वर्षको तुलनामा वृद्धि गरिएको हो । प्रथम गोल्डकपको विजेताले ३ लाख र उपविजेताले २ लाख प्राप्त गरेको थियो ।
आयोजक इन्ट्रा पथरी ११ ले “स्थानिय खेलाडीको संरझण गर्दै देशलाई राष्ट्रिय खेलाडी उत्पादनमा सहयोग” गर्ने उदेश्यका साथ २०८१ सालमबाट गोल्डकप गर्न थालेको हो । फुटवलको उर्भर भुमी मानिएको मोरङ पथरी शनिश्चरेबाट उत्पादन भएका खेलाडीले राष्ट्रिय टोली, महिला राष्ट्रिय टिम र ए डिभिजन क्लवमा राम्रै बर्चस्व राख्दै आएका छन् ।


















