पथरी, असार १७
मोरङको बेलबारी नगरपालिकामा देखिएको पछिल्लो समयको विवाद चुलिदै गएको छ । सत्य तथ्य बुझ्न गएको स्वतन्त्र नागरिक समूहलाई नगर प्रमुखले धम्की दिदै अराजक समुह भने पछि विबाद झन चुलिएको छ । स्वतन्त्र नागरिक समूहले बेलबारी नगर प्रमुखकाे अभिब्यात्ती प्रति खेद प्रकट गदै धम्की सामना गर्दिन तयार रहेको बताएको छ । नगर प्रमुख ज्यू कस्लाई अराजक भन्दै धम्की दिएको भन्दै स्वतन्त्र नागरिक समूहले प्रश्न गरेको छ ।

कर्मचारी र जनप्रतिनिधी विचको विबाद छरिएर सतह सम्म आएको छ । उपप्रमुखलाई नगरका केहि योजनाको कामको हिसाव लेखाअधिकृतले हेर्न नदिए पछि विबाद चुलिदै जनता समक्ष चासोको विषय बनेको छ । नगर उपप्रमुख नितु थापाले आर्थिक बर्ष २०८१÷०८२ मा सम्पन्न योजनको काममा शंका लागि हेर्न खोज्दा लेखाअधिकृत धनमाया राईले नदिए पछि बिबाद सुरु भएको हो ।
उत्त विबाद र यथार्थ सार्वजनको माग गर्दै स्थानीय स्वतन्त्र नागरिक समूहले प्रेस विज्ञप्ति जारी गरेको छ । नगरमा भइरहेका विवादास्पद गतिविधि र पारदर्शिताको अभावप्रति आक्रोशित हुँदै स्थानीय स्वतन्त्र नागरिक समूहले प्रेस विज्ञप्ति जारी गर्दै तत्काल समस्या समाधान गर्न माग गरेका छ । असार १२ गते स्वतन्त्र नागरिक समूहले हिसाबमाग गर्न आउदा लेखाप्रमुख र प्रमुख प्रशासकीय अधिकृत संजयकुमार राजलवटले गेटमै नगर प्रहरी लगाएर रोक लगाएको भन्दै आपति जनाएको छ ।
गत असार १२ गते भएको घटनालाई लिएर तथ्य सूचनाको खोजीका लागि विज्ञप्ति जारी गरेको छ । उक्त विज्ञप्तिमा भनिएको छ, “के घटनाको सत्यता के हो ? कसरी घटना भयो?” भन्ने विषयमा स्वतन्त्र नागरिक समूहले सार्वजनिक रूपमा जानकारी गरेको छ । विज्ञप्तिमा नगरपालिकामा लेखापाल, इन्जिनियर लगायतका कर्मचारीबाट चरम भ्रष्टाचार भएको उल्लेख गरिएको छ । नगरपालिका कार्यालयमा सामान्य काम गर्दा समेत घुस रकम माग्ने गरेको र नदिए काम नै रोकिदिने गरेको, लेखाप्रमुखले तेलको कुपन बितरण गरेको र लेखालाई खुसी नपारी कुनै काम लिन नसकिने लगायतका नागरिकहरुको गुनासो देखिएको प्रेस विज्ञप्तीमा उल्लेख छ ।

नागरिक समूहले बेलबारी नगरपालिकामा जनप्रतिनिधिहरु निर्बाचित भएर आएको ३ बर्षमा समेत उल्लेख्य काम नभएको आरोप लगाएको छ । नगरले तिन बर्ष भित्रका योजनाहरु बेलबारी १ को व्यापारिक कम्प्लेक्स, बेलबारी २ को रमिते भ्यूटावर, बेलबारी ११ को वडा कार्यलय, बेलबारी ४ को कोल्डस्टोर, नगर अस्पताल लगायतका संरचनाहरु निर्माण सम्पन्न गर्न नसकेको र लथालिंग भएको विषयमा नगर स्रग स्पस्ट जवाफ मागेको छ । बेलबारी नगरपालिकाले १ करोड ३३ लाखमा खरिद गरेको बिद्युतिय नगर बस ३ महिना देखि सञ्चालन नै नभई थन्किएर बसेको र खरिद प्रक्रियामा समेत घोटला भएको लगायतका दर्जनौ बिकास निर्माणमा समेत अनियमितता भएका विषयमा नगरपालिकाले कुनै चासो नदिएको समुहले आरोप लगाएको छ ।
सुचना लिन नगर पुगेका नागरिक समूहलाई बेलबारी नगर प्रमुख दिलप्रसाद राईले अपमान जनक ब्यवहार गरेको विज्ञप्तीमा उल्लेख छ । नगर प्रमुख राईले फोटो भिडियो खिच्न रोक लगाउदै अराजक समुहको शंज्ञा दिएका थिए । स्वतन्त्र नागरिक समूहले महालेखा परीक्षण प्रतिवेदन अनुसार नगरमा देखिएको २ करोड ५८ लाख ६५ हजार रुपैयाँ देखिएको बेरुजु कारण मागेको छ । प्रेस विज्ञप्तिमा नगरपालिकाभित्रको कार्यसम्पादन, भ्रष्टाचार, गुटबन्दी, धम्कीपूर्ण वातावरण र शंकास्पद गतिविधिको छानबिन गरी दोषीलाई कारबाही गर्न माग गरिएको छ ।
















