साइनो समाचारदाता/पथरी, ३१ जेठ
मोरङको पथरी कानेपोखरी सडक खण्डमा मोटरसाईका दुर्घटनामा परि प्रहरी सहायक हवल्दारको मृत्यू भएको छ । बेलबारी नगरपालिका ४ भई प्रहरी चौकी जमुना ईलाममा कार्यरत प्रहरी सहायक हवल्दार जितेन्द्र चौधरीको मृत्यू भएको ईलाका प्रहरी कार्यलय पथरीले बताएको छ ।

पुर्व पश्चिम राजमार्गको कानेपोखरी गाउँपालिका ७ डाँसमोरङ्गी पुल नजिकै रहेको डाईभर्सनमा मोटरसाईकल अनियन्त्रित भैई चौधरीको दुर्घटना भएको हो । साझँ ८ बजे पथरीबाट कानेपोखरी तर्फ जादै गरेको प्र १-०२-०४३ प २४७१ नम्वरको मोटरसाईकलमा चौधरी श्रीमति र छोरी सहित घर फर्कने क्रममा दुर्घटना भएको थियो । दुर्घटनामा चौधरीकी श्रीमति बिमला धिमाल चौधरी र दुई बर्षीय छोरा जेसन चौधरी घाईते भएका छन ।
दुर्घटनामा श्रीमतिको कान र खुट्टामा छोट लागेको छ भने छोरीको टाउकोमा चोट लागेको छ । घाईते श्रिमति र छोरीको नोवेल मेडिकल कलेज विराटनगरमा उपचार भैरहेको छ ।श्रिमति बिमला धिमाल श्रिमान जितेन्द्र संगै प्रहरी चौकी जमुना ईलाममा कार्यरत प्रहरी जवान हुन ।
मोटरसाईकल तिब्रगतिका कारण दुर्घटना भएको ईलाका प्रहरी कार्यलय पथरीका प्रहरी नायव उपरिक्षक मोहन विक्रम दाहालले जानकारी दिनु भयो । मृतक चौधरीको शव मदन भण्डारी ट्रमासेन्टर मंगलबारेमा राखिएको प्रहरी नायव उपरिक्षक दाहालले बताउनु भयो । यस क्षेत्रमा काकडभिट्टा लौकही सडक (एसियन हाइवो) निर्माणको क्रममा जारि छ । पुर्व पश्चिम महेन्द्र राजमार्गमा धेरै डाईभर्सन असुरक्षित भएका कारण धेरै दुर्घटना बढ्दै गएको छ ।
















