पथरी शनिश्चरेका सामुदायीक विद्यालयले चारित्रीक प्रमाण पत्रको नाममा मनपरी रकम उठाउने गरेको पाईएको छ । कक्षा १०, SLC, SEE र १२ पास गरेका विद्यार्थीहरुबाट विद्यालयले मनपरी फि उठाउने गरेको विद्यार्थीहरुले गुनासो गरेका छन ।

२०८१ सालको SEE पास विद्यार्थीहरुले प्लस टु पढ्न अन्य विद्यालय जादा वा सोहि विद्यालयमा पढ्दा चारित्रीक प्रमाण पत्र बुझाउनु पर्छ । चारित्रीक प्रमाण पत्र लिदा विद्यालयले सो बापत अनिवार्य रकम लिने गरेको हुन्छ । सामुदायी विद्यालय पिछ्छे फरक फरक रकम लिएको थाहा पाए पछि विद्यार्थीले गुनासो गर्न थालेका छन ।
एक विद्यार्थीले शंक्षिक संस्था र नाम नबताउने सर्तमा भने चारित्रीक प्रमाण पत्र नभै एडमिसन हुदैन, महंगो भयो भनेर आवाज उठाउदा चारित्रीक प्रमाण पत्र नपाईने र सरहरुले ब्यावस्थापन समिति र प्रिन्सिपललाई देखाउने गरेको बताए । नगर भित्रका सामुदायीक विद्यालयमा समेत फिमा एक रुपता नभएको भन्दै आवाज उठाउन थालेका छन । विद्यालयले एक विद्यार्थी बापत राज्यलाई एस ई ई मार्कसिट र सर्टिफिकेटको दुई सय पचास (२५०) रुपयाँ भौचर काटि राज्यलाई बुझाउनु पर्छ । यता स्कुलले थप चारित्रीक प्रमाण पत्र दिने र थप रकम लिई स्कुलको आम्दानीमा बाध्ने गरेको विद्यालयका प्रअहरुले बताउदै आएका छन ।
यता पथरी शनिश्चरे शिक्षा शाखा प्रमुख नविन खुलाल बुढाथोकी सामुदायी विद्यालयले चारित्रीक प्रमाण पत्रको नाममा उठाउदै आएको फि धेरै भएको बताउनु भयो । उत्त फि विद्यालय ब्यावस्थापन समितिले नै निर्धारण गर्ने भएकाले बाहिर आएको गुनासोलाई मध्यनजर गर्दै शिक्षा शाखाले सुधार गर्न मैखिक निर्देशन दिएको बताउनु भयो । निर्णय अनुसार चारित्रीक प्रमाण पत्रको फि नसुधारे विद्यालयलाई कार्वाही प्रकृया अघि बढ्ने बताउनु भयो ।
















