१ जेठ, काठमाडौं /
प्रमुख प्रतिपक्षी नेपाली कांग्रेसले राष्ट्रपतिलाई मात्र सरकारको नीति तथा कार्यक्रम प्रस्तुत गर्न दिने निर्णय गरेको छ । मंगलबार बसेको संसदीय दलको बैठकले राष्ट्रपतिले सरकारको नीति तथा कार्यक्रम पेश गर्दा अवरोध नगर्ने र अन्य कार्यक्रममा अवरोध निर्णय गरेको हो ।

गृहमन्त्रि रवि लामिछानेकाे विषयलाई लिएर नेपाली कांग्रेसले अवरोध गर्दै आए पनि राष्ट्रपतिको कार्यक्रममा अवरोध नगर्ने तर, त्यसछि सरकारले ल्याएको कुनै पनि कार्यसूचीमा प्रवेश नगर्ने उसको निर्णय छ । कांग्रेस प्रमुख सचेतक रमेश लेखकले भने, ‘संघीय संयुक्त बैठकमा भाग लिन्छौं, राष्ट्रपतिको सम्बोधन सुन्छौं । तर त्यसपछि सरकारले ल्याएका कुनै पनि कार्यसूचीमा हामी प्रवेश गर्दैनौं ।’
संघीय संसदको बैठक दिउँसो ३ बजे बोलाइएको छ, जहाँ राष्ट्रपति रामचन्द्र पौडेलले सरकारको नीति तथा कार्यक्रम पेस गर्ने कार्यसूची छ । साँझ ६ बजे प्रतिनिधि सभाको बैठक बोलाइएको छ । सहकारी अनियमितामा उपप्रधान तथा गृहमन्त्री रवि लामिछानेको संलग्नताबारे छानबिनका लागि संसदीय समिति गठन नगरे त्यो बैठक अवरुद्ध गर्ने कांग्रेसको तयारी छ ।
साभार अनलाइन खवर
















