साइनो समाचारदाता/ पथरी, २९ चैत
मोरङको पथरीशनिश्चरे नगरका स्वास्थ शाखा प्रमुख मुरारी आचार्यलाई यौन हिंसा गरेको आरोप लागेको छ । नगर अस्पतालमा काम गरेकी एक महिला कर्मचारीले आफु राती ड्यूटी गरिरहेको अवस्थामा आचार्यले जबर्जस्ती करणी गर्न खोजेको गम्भिर आरोप लगाएकी छिन । घटना २०७८ मंसिर महिनाको हो । उनले आफु माथि नगर स्वास्थ संयोजक आचार्यले जबरजस्ती कोठा भित्र बोलाएर शरिरका बिभिन्न अंगहरुमा छोएको, जबरजस्ती मदिरा सेवन गराएको र आफुले भनेको नमाने बाहिर जान नदिने भन्मादै कोठा थुनेर राखेको बताएकी छन ।

उनले आफुले भनेको माने काठमाडौको विर अस्पतालमा जागिर समेत मिलाई दिन्छु भन्दै प्रलोभन देखाएर आफु माथी दुर्ब्यवहार समेत गरेको आरोप लगाएकी छन ।
घटना घटे लगतै भोली पल्ट उत्त महिलाले अभिभावकलाई भने पछि पथरी शनिश्चरे नगरका तत्कालीन नगर प्रमुख दिलिप कुमार राईले घटना गुपछुप पारी दवाएको बताएकी छन । अभिभावकले राजनितिककर्मीको साहारामा नगर प्रमुख र तत्कालिन संसद कृष्ण कुमारी राई, संबिधान सभा सदस्य चन्डि प्रसाद राई र स्थानीय नेता कार्यकर्ता विच छलफल समेत बसेको थियो ।
छलफलमा घटना साचो भएको र स्वास्थ शाखा प्रमुखलाई माफी मात्र मगाएर नगर प्रमुख दिलिप कुमार राई र कृष्ण कुमारी राईले घटना दबाएको पिडित युवतीले बताएकी छन । पिडित युवतीको आरोपका आधारमा तत्काली नगर प्रमुख दिलिप कुमार राई, संविधान सभा सदस्य चन्डि प्रसाद राई र केहि नेता संग बुझदा घटना साचो रहेको बुझिएको छ । उनिहरुले भनेका छन घटना साचो हो तर उत्त घटना हामी सबै बसेर समाधान गरेको थियौ तर अहिले कसरी बाहिर आयो थाहा नभएको बताएका छन ।
उत्त घटनाबाट न्याय नपाए पछी आफु मानसिक रुपमा तनाव भएको र उपचार गरि न्याय खोज्न जागिर समेत छोडेको उनको भनाई छ । न्याय माग्दै हारगुहार गर्दा समेत अस्पताल प्रसासन, नगर प्रमुख र संसद जस्तो ब्यात्तीबाट न्याय नपाए पछि मिडियाको साहारामा आएको बताएकी छन । छलफल आफु ड्यूटी पोसाकमा रहेको बेला अस्पताल प्रमुख मुरारी आचार्यबाट पिडित हुदा समेत न्याय नपाए पछि आफु मानसीक रुपमा रोगि भई घर झगडा समेत भएको बताई ।
अहिले उनी उक्त घटनामा संलग्न माथिल्लो निकायका ती कर्मचारी विरुद्ध कानुनी लडाँई लड्न चाहन्छिन । तर, हदम्यादका कारण उनले मुद्दा दर्ता गर्ने अवस्था छैन ।
‘मैले त्यसबेला कानूनी कारबाहीका लागि अदालत जान सक्ने अवस्था भएन । मैले यस विषयमा बुझेको पनि थिइन तर तत्कालै आमालाई भनेको थिएँ, आमालाई तुरुन्तै सुनाएँ र कारवाही गर्नका लागि मलाई सहयोग गर्न भनें । समाजका भद्रभलाद्मीहरुलाई पनि सुनाएँ । ठूला मान्छेहरुले बैठक पनि गरे तर मलाई न्याय दिन होइन आचार्यलाई बचाउन भूमिका खेले । छोरी मान्छेको इज्जत जान्छ बरु यस्लाई सरुवा गर्ने भन्दै कानुनीबाटो बन्द गराए ।
त्यतिबेला म यसरी बोल्न सक्दिनथें । त्यसमाथि पनि पीडामा भएको बेला बोल्न सकिन तर मैले त्यो मुद्दा कहिल्यै छोडिन, आज बोल्न सक्ने भएकी छु, त्यो कन्फिडेन्स म सँग आएको छ त्यसैले अहिले म कानूनी हिसाबले लड्न चाहन्छु । तर, सबैले हदम्याद देखाएर त्यहाँ पुग्न नै दिइरहेका छैनन्” ति युवतीले भनिन् । म त उसको हिंसामा परे म जस्ता अन्य स्वास्थकर्मी महिलाहरु अरुको सिकार नबन्नु यस्का लागि मेरो लडाई हो उनको भनाई छ ।
महिला अधिकारको पक्षमा काम गर्दै आएको ओरेक नेपाल विराटनगरकी प्रमुख सरस्वती दनुवारले हदम्यादका कारण धेरै महिलाहरु न्यायबाट वञ्चित हुनु परेको बताइन । ‘हामीले पनि यस विषयमा बहस र पैरवी गरिरहेका छौं । महिलामाथि हुने यौन हिंसाको घटनामा हदम्याद हुनुहुँदैन । हदम्यादका मुद्दा दर्ता गर्न नसक्दा हामी कहाँ आएका धेरै पीडित महिलाहरु निराश भएर फर्किनु परेको छ,’ दनुवारले भनिन् । उनका अनुसार कानुनमा उमेर पुगेका महिलामाथि यौन हिंसा भए एक वर्ष सम्मको हदम्याद छ । एक वर्ष भन्दा अगाडिको घटनामा मुद्दा नलाग्ने कानुनी व्यवस्था छ । नाबालिकाको हकमा भने हदम्याद नरहने कानुनी व्यवस्था छ ।
मोरङका प्रहरी प्रमुख एसपी नवराज कार्कीले पनि हदम्यादका कारण उल्लेखित घटनाको जाहेरी लिन प्रहरीलाई समस्या परेको बताए । ‘उजुरीको हदम्याद हुन्छ । साइबर क्राइमको हदम्याद एक वर्ष हो । घटना साढें ३ वर्ष अगाडिको हो । हामीले के कसो भएको भनेर गाउँपालिकालाई लेखेर पठाएका छौं । पालिकाबाट पत्र आएपछि सरकारी वकिलसँग सल्लाह गरेर कारबाही अगाडि बढाउँछौं,’ कार्कीले भने, ‘पीडितले पनि साढे ३ वर्षसम्म चुप लागेर बस्नु चाहिं हुँदैन थियो । हामीले सम्बन्धित कर्मचारी र महिलाको विवरण माग गरेका छौं ।’
यता सोही बिषयमा सो घटनासँग जोडिएका प्रमुख आचार्य सँग सम्पर्क गर्दा उनले यो आरोप मात्र भएको र आफुले त्यस्तो नगरेको बताए । उनले उल्टै आरोप लगाउने युवतीको चरित्र नै ठिक नभएको प्रतिक्रिया दिएका छन भने स्थानीय संचारकर्मीलाई घटना लुकाईदिन अनुरोध समेत गरेका छन ।
आचार्य राजनीतिक शक्ती आडमा १५ बर्ष देखि पथरी शनिश्चरेमा रजगज गर्दै आएका कर्मचारी हुन । उनि यस अघि पनि धेरै बिबादमा तानिरहेका कर्मचारी हुन । उनिलाई कोरोना कहरमा नगरको १० लाखको चेक आफ्नो नाममा काटेको, आर्मीको तातिममा फायर क्याममा बसेको, पीसीआर परीक्षणको लागि स्वाब संकलनको नाममा रकम असुलेको जस्ता विषयमा विबादीत हुदै आएका छन ।
















