साइनो समाचारदात/पथरी, ९ माघ
मोरङको पथरी शनिश्चरेमा आयोजित खेलकुद महोत्सब अन्तरगत मंगलबार भएको फुटबलको खेलमा कल्याण फुटवल क्लब विजयी वनेको छ । वि सिक्स्टीनलाई २–४ गोल अन्तरले पराजित गर्दै कल्याण फुटवल क्लव दोस्रो चरण प्रबेश गरेको हो ।

खेलको अग्रता जोगाउन नसक्दा वि सिक्स्टीनले हार बेहोर्नु परेको थियो । कल्याणको जितमा सुरज याक्खाले ह्याट्रक गरे भने विवेक आङदम्वेले १ गोल गरेका थिए । खेलको ३० सेकेन्डमा वि सिक्स्टीन कविराज राईले गोल गरे पनि खेलमा अन्य स्कोर गर्न नसक्दा हार बेहोर्नु परेको थियो ।
खेलको सुवातीमै गोल खाएको कल्याण फुटवल क्लबका लागि विवेक आङदम्बेले खेलको ३३ औं मिनेटमा गोल गर्दै खेल बारारीमा बनाए । दोश्रो हाफमा एक पक्षिय दबाब बनाएको कल्याण फुटवल क्लबका लागि ब्यात्तीगत ३ गोल गर्दै सुरज याक्खाले ह्याट्रक पुरा गरे । याक्खाले दोस्रो हाफको ९, २७ र ३८ औं मिनेटमा गोल गरेका थिए । वि सिक्स्टीनका लागि दोस्रो गोल दोस्रो हाफको ३१ औं सुरज सिवाँले गरेका थिए ।

खेलको म्यान अफ दि म्याच विजयी टिमका ह्याट्रक कर्ता सुरज याक्खा घोषीत हुदै नगद २ हजार प्राप्त गरे । भोलिको खेल युनिटी फुटबल क्लब र राईजिङ स्टारका विच हुने छ । प्रतियोगिताको विजेताले १ लाख र ट्रफि र उपविजेताले ५० हजार रुपयाँ र ट्रफि प्राप्त गर्ने छ ।
नगरले नगर भित्र रहेका खेलाडी र खेलको पहिचान गर्ने उदेश्यले खेलकुद महोत्सव (नगर ओलम्पीक) को आयोजना गरेको हो । दश दिन सम्म सन्चालन हुने खेलकुद महोत्सबमा महिला र पुरुष फुटबल, भलिबल, क्रिकेट, बुद्धिचाल, मिनी म्याराथुन, कराते र तेक्वान्दो प्रतियोगीता संचालन हुदैछ ।

पथरी शनिश्चरे नगरपालिकाले नगर भित्र खेलिने खेलहरुलाई मध्यनजर गर्दै खेलकुद महोत्सव ९नगर ओलम्पीक० को आयोजना गरेको हो । माघ ६ देखि १५ सम्म हुने ‘पथरी शनिश्चरे नगर खेलकुद महोत्सव २०८०’ (नगर ओलम्पीक) मा ७ वटा विधामा प्रतिस्पर्धा हुदैछ । नगरले पहिलो पटक “खेलकुद राष्ट्रको शान, स्थानीय खेलाडी उत्पादन हाम्रो अभियान” भन्ने मुल नाराका साथ खेलकुदमा नयाँ आयमको सुरु गरेको नगर खेलकुद विकास समिति संयोजक दिपक राईले बताउनुभयो ।
















