अर्जुन काफ्ले/ पथरी, ७ माघ
मोरङको पथरी शनिश्चरेमा आयोजित खेलकुद महोत्सब अन्तरगत आइतवार भएको दोस्रो दिनको फुटबलको खेलमा नाजरिन युथ क्लब विजयी वनेको छ । वाइ एफ सिलाई ५–० गोल अन्तरले पराजित गर्दै नाजरिन क्लव दोस्रो चरण प्रबेश गरेको हो । नाजरिनका लागी सलिन तामाङ दिरीङ राई र गुन्जाहाङ लिम्बुले गोल गर्दै आफ्नो टिमलाई विजयी गराए ।

खेलको ७ र १३ मिनेटमा नाजरिन क्लवका सलिन तामाङले गोल गर्दै अग्रता बनाए । दोश्रो हाफको ११ र २३ औं मिनेटमा दिरिङले गोल गर्दै टोलीको अग्रता ४–० बनाए । इन्जुरी समयको २ मिनेटमा गुन्जाहाङले गोल गदै टिमलाई ५–० ले विजयी वनाए ।
खेलको म्यान अफ दि म्याच विजयी टिमका गुन्जाहाङ लिम्बु घोषीत हुदै नगद २ हजार प्राप्त गरे । सोमबार युनिटी फुटबल क्लब र पुलचोक युथ क्लब विच खेल हुने छ । प्रतियोगिताको विजेताले १ लाख र ट्रफि र उपविजेताले ५० हजार रुपयाँ र ट्रफि प्राप्त गर्ने छ ।

नगरले नगर भित्र रहेका खेलाडी र खेलको पहिचान गर्ने उदेश्यले खेलकुद महोत्सव (नगर ओलम्पीक) को आयोजना गरेको हो । दश दिन सम्म सन्चालन हुने खेलकुद महोत्सबमा महिला र पुरुष फुटबल, भलिबल, क्रिकेट, बुद्धिचाल, मिनी म्याराथुन, कराते र तेक्वान्दो प्रतियोगीता संचालन हुदैछ ।
पथरी शनिश्चरे नगरपालिकाले नगर भित्र खेलिने खेलहरुलाई मध्यनजर गर्दै खेलकुद महोत्सव (नगर ओलम्पीक) को आयोजना गरेको हो । माघ ६ देखि १५ सम्म हुने ‘पथरी शनिश्चरे नगर खेलकुद महोत्सव २०८०’ (नगर ओलम्पीक) मा ७ वटा विधामा प्रतिस्पर्धा हुदैछ । नगरले पहिलो पटक “खेलकुद राष्ट्रको शान, स्थानीय खेलाडी उत्पादन हाम्रो अभियान” भन्ने मुल नाराका साथ खेलकुदमा नयाँ आयमको सुरु गरेको नगर खेलकुद विकास समिति संयोजक दिपक राईले बताउनुभयो ।
















