साइनो समाचारदाता /पथरी मंसिर १७
नेपाल नाईल संघ पथरी शनिश्चरे नगर कमिटिले आग्लागीबाट पिडित बनेकी किस्नी देवि ठाकुरलाई १५ हजार २ सय १० रुपयाँ सहयोग गरेको छ । नेपाल नाईल संघ पथरी शनिश्चरे नगर कमिटिका सदस्य शम्भु ठाकुर र राजकुमार ठाकुरको ६६/६७ बर्षीय आमाको २०८० मंसिर ८ गते आग्लागीमा परि घाइते भएकी थिन । घाइते ठाकुरको उपचारमा सहयोग होस भन्दै नगर उपाध्ययक्ष फुलकुमारी ठाकुरले ब्यात्तीगत ५ हजार ५ सहयोग गर्नु भएको छ ।

आग्लागीले ठाकुरको पुरै शरिर जलेको छ । उपचारमा समस्या भए पछि संघले उपचार खर्च सहयोग गरेको नेपाल नाईल संघ पथरी शनिश्चरे नगर कमिटि अध्यक्ष सन्तोष ठाकुरले जानकारी दिए । नेपाल नाईल संघ पथरी शनिश्चरे नगर कमिटिले यस अघि पनि समस्यामा गरेका नाईल संघका सदस्यहरुमा सहयोग गर्दै आएको र यो समस्या अलिक जटिल भएका कारण सबैले सहयोग गर्न अध्यक्ष ठाकुरले आवहान गरेका छन ।

पथरी शनिश्चरे ६ स्थित ठाकुरको घरमा ८ गते राति चुरोटको ठुटाबाट आगो सल्की किस्नि देवि ठाकुरको शरिरमा डढेको थियो । घाइते भएकी ठाकुरको कोसी अञ्चल अस्पताल विराटनगरमा उपचार भैरहेछ । विराटनगरमा उपचार संभव नहुने भएका कारण ठाकुरलाई उपचारका लागि काठमाडौ लानु पर्ने भएको छ । तर आर्थिक अभावका कारण उपचारमा समस्या आएको पिडित परिवारको भनाई छ ।

















