गोपाल काफ्ले/पथरी, २४ कार्तिक
किसानको छोरीले बि. बि. एस. चौथो वर्षको परिक्षामा नेपाल प्रथम भएकी छन । पथरी शनिश्चरे ३ छिमेकी लाईनकी बिना घिमिरेले ८५.८ प्रतिशत अंक ल्याई नेपाल प्रथम भएकी हुन ।

उनि मोरङको पथरीशनिश्चरे १ पथरी बुहुमुखी क्याम्पसकी छात्रा हुन । २२ वर्षिय बिना घिमिरे बि. बि. एस. चौथो वर्षको परिक्षामा सहभागी भएर ८५।८ प्रतिशत सहित नेपाल प्रथम भएकी हुन । पथरीशनिश्चरे ३ छिमेकीलाइन घर भएकी बिना घिमिरे हिजो टियूले सार्वजानिक गरेको परिक्षाफल अनुसार नेपाल प्रथम भएकी हुन । पथरीशनिश्चरे ७ लामाटोली मोरङको दुर्गा माबिमा कक्षा १ देखी १० सम्मा अध्ययान पूरा गरि पञ्चायत माबि पथरी शनिश्चरेबाट कक्षा ११ र १२ सकेकी हुन ।
विना परिवारकी काइली छोरी हुन । नेपाल प्रथम खबर सामाजिक संजालबाट थाह पाएपछि उत्साहित छन । उनि भन्छिन आफुले परिक्षा राम्रो गरेको तर नेपाल टप हुन्छु भन्ने चै थिएन । अहिले सबैबाट नेपाल टप भनेर बधाई आईरहेको छ तर पत्यारै लागेको छैन । ८५.८ प्रतिशत अंक आउदा खुसी थाम्नै सकिन । बा आमाको मेहेनत दिदी बहिनीको साथ सपोटले गर्दा यो रिजल्ट हासिल गरेको उनि बताउछिन । हाम्रो घर भित्र प्रतिस्पर्दा हुन्छ कस्ले अब्बल नतिजा निकाल्ने भन्ने दुबै दिदिहरुले एम एड सक्नु भएको छ मलाई पनि चुनौति थियो दिदिहरुले हिडेको बाटो हिड्न सक्छु कि सक्दिन भन्ने उनि बताउछिन ।

शुक्रबार बाबु टंकप्रसाद घिमिरे र आमा टंककुमारी घिमिरे संग धान काट्न ब्यास्त रहेकी विनाका सबै दिदि बहिनी पढाईमा अब्बल छन । ठुली दिदी कोमल घिमिरे रिजाल एमएड, माइली दिदी रेखा घिमिरे एमएड गरेर जागिर खाइरहेका छन । साइली दिदी मिना घिमिरे एबिएस सेकेन्ड सेमिस्टारमा टियू किर्तिपुरमा र कान्छी बहिनी मेलिस्का घिमिरे पंचायत माबिमा कक्षा ११ मा अध्यानरत छन ।
५ छोरीहरुका धनि घिमिरे दम्पती छोरीहरुको शिक्षा प्रतिको प्रगति देखि खुसी छन । छोरीहरुको मिहनत देखेर शिक्षामा खर्च गर्न पछि नहटेका बाबु छोरीको उज्जल शिक्षाका लागी सबै कुरा त्याग गरेका छन । गाई, भैंसी, बाख्रा र कुखुराबाट भएको आम्दानीले छोरीहरुको शिक्षामा लगानी गरेको घिमिरे संग १५ कठठा जमिन रहेको छ । उनिहरु समाजमा दुख गरेर छोरीहरुलाई उच्च शिक्षा हासिल गराउने उदाहरणिय पात्रहरु हुन ।
तेह्रथुमबाट पथरीशनिश्चरे ३ बसाई सरि आएका घिमिरेको सम्पतिको नाममा ५ छोरीहरु मात्र हुन । खाध्यबाली उत्पादन र पशुचौपाय पालनबाट भएको आम्दानीले छोरीहरुको पढाइमा लगानी गर्दा आनन्द आएको बाबु टंकप्रसाद घिमिरेको भनाई छ । छोरीहरुले पढिदिएको हुनाले हामी बाबुआमाले लगानी गर्न उत्साहित भयौ ।
घिमिरे दम्पतीले ५ जना छोरीहरु नै सामुदायिक विद्यालयबाट अध्ययन गराएका थिए । काइली छोरी बिनाको परिक्षाफल प्रति सन्तुष्ट हुँदै सम्पूर्ण प्राध्यपक, क्याम्पस ब्यवस्थापन समिति लगायत सबैमा आभार ब्यात्त गरे । पथरी बहुमुखी क्याम्पस २०६४ सालमा स्थापना भएको थियो । यस सन्दर्भमा पथरी बुहुमुखी क्याम्पसलका प्रमुख शान्तीराम तिम्सीनाका अनुसार टियूले सार्वजानिक गरेको रिजल्टको नम्बर न्यूज पोर्टलमा आएको समाचार अनुसार बिना घिमिरे नै नेपाल प्रथम भएको बताए ।
















