मोरङको सुनबर्षी नगरपालिकाका वडा नं १ मा रहेको तुर्छा ड्रागन फुट तथा बहुउद्देश्यीय कृषि फार्ममा विद्युत लाइट प्रयोग गरि ड्रागन खेती सुरु गिरएको छ । ड्रागन व्यावसायी गणेश तुर्छा राईले नेपालमै पहिलो पटक उक्त प्रविधि प्रयोग गरी ड्रागन उत्पादन सुरु गर्नु भएको हो । उहाँ भन्नुहुन्छ विद्युत लाइट राखेपछि अफ सिजनमा पनि यसले फल दिन सुरु गरेको छ ।

राईले १५ लाखको लगानीमा २ हजार बत्ती जडान गर्नु भएको छ । जस्को परिणाम स्वरुप विरुवामा नयाँ कोपिला लाग्न सुरु गरेको छ । यति बेला साझ ७/८ बजेको समयमा मोरङको सुनवर्शी नगरपाली वडा नं. १ मा रहेको तुर्छा फर्म लाईटले झिलिमिली हुने गरेको छ । फर्ममा यतिबेला लाईटको झिलिमिली हेर्ने, टिकटक बनाउने र फोटो खिच्नेहरुको आकर्षण बढ्दै गएको छ ।

राईले भियतनाममा यो प्रविधी देखी आफुले सुरु गरेको बताउनु हुन्छ । लकडाउनको समयमा राईले करिव १ करोड मथिको लगानिमा आफ्नै ३ बिघा क्षेत्रफलमा ३२ सय पोलमा विरुवा लगाउनु भएको थियो । पहिलो सिजनमै विरुवा विक्री र फल विक्रीबाट लगानी उठाई सक्नु भएका राईले वार्षीक ६५ देखि ७० लाख भन्दा माथी आम्दानी गर्दै आएको बताउनु हुन्छ ।

ड्रायागन फ्रुट खेतीका लागी प्रतिकठ्ठा १ लाख लागे पनि दोस्रो बर्ष देखी लगानी कम र उत्पादन सुरु हुने गर्दछ । थोरै लगानीमा सानो क्षेत्रफलमा आफ्नै देशमा परिश्रम गरे रोजगारको लागी बिदेशिनु नपर्ने राईको भनाई छ । आफुले जस्तै कसैले यो ब्यावसाय गर्ने योजना भए आफुले जानेको ज्ञान दिने राई बताउनु हुन्छ ।

















