गोपाल काफ्ले/पथरी, ७ कर्तिक
नेपाली मुलका अमेरिकन नागरिकले नेपालमा रहेका गरिव, विपन्न र एकल वृद्ध वृद्घाको झुपडिमा दशैं भित्र्यई दिएका छन । केही बर्ष अघि अमेरिका पुगेका पथरी शनिश्चरे १० का दिपेन्द्र दाहालको अग्रसरतामा स्थापना भएको कविर ज्ञानोदय सामाजिक केन्द्र अमरिकाले पथरी शनिश्चर र सो आसपासका २५ विपन्न परिवारमा दशै भित्र्याई दिएको छ ।

“गरिब निमुखाहरुको घरमा दशै” कार्यक्रम अन्तरगत संस््थाका संस्थापक रूद्र आचार्य र संस्थापक कार्यकारी अध्यक्ष दिपेन्द्र दाहालको सहयोगमा पथरी शनिश्चरेका २५ परिवारले दशैं मनाउन पाएका छन । २०८० सालको दशैंमा गरिव तथा विपन्नको मुहारमा थोरै खुसी ल्याउन आफुले सानो सहयोग गरेको कार्यकारी अध्यक्ष दिपेन्द्र दाहालले बताए । साहारा विहिन आमाहरुको साहारा बन्न संस्था स्थापना गरेको संस्थापक रूुद्र र आचार्य कार्यकारी दिपेन्द्र दाहालले बताए । समय र परिस्थीतीले साथ दिए र स्थानीयबाट पहल भए प्रत्येक बर्ष “गरिब निमुखाहरुको घरमा दशै” दशैं खुसी कार्यक्रम गर्ने उहाँहरुको भनाई छ ।

कार्यकारी अध्यक्ष दिपेन्द्र दाहालले विहानको झिस्मीसेमै गरिव विपन्न र एक्कल आमाहरुका घरमा दशैं सहयोग पुर्याएका थिए । दशैं राहत बोकी घर घर पुगेका वडाध्यक्ष लोक किरण न्यौपाने, स्थानयि युवा भानु विश्वकर्मा र किषान राईलाई खेख्दा आमा बुबाका आखाँ रसाएका थिए । आमाहरुको आखाँमा खुसिको आसु देखेका दाहालले अमेरिकामा आफुले ट्याक्सी कुदाएर जम्मा गरेको पैसाले सहि ठाँउमा प्रयोग भएका सुनाए । बचुन्जेली साहारा विहिन नेपालीको घरमा दशै मनाउने उदेश्उले संस्था स्थापना गरेको दाहालको भनाई छ ।

दशैको मुखमा कविर ज्ञानोदय सामाजिक केन्द्र अमरिकाका छोरा जस्तै बनेर आएको बताए । निरास बनेर बसेका साहारा विहिन आमाहरुका लागि कविर ज्ञानोदय सामाजिक केन्द्र अमरिकाकाले नगद ५ देखि ८ हजार सम्म सहयोग गरेको छ । सक्नेलाई नगद र नसक्नेलाई लत्ता कपडा, खाद्यन्य र माछा मासु उपलब्ध गराएको छ ।
कविर ज्ञानोदय सामाजिक केन्द्रले पथरी शनिश्चरे वडा नं. ४, ८, ९ र १० का २२ परिवार र दमकका ३ परविारलाई दशैं सहयोग गरेको हो । संस्थाले वडाध्यक्ष र स्थानीय युवाहरुको सहयोगमा सहयोग रकम घर घरमै पुर्याएको थियो ।

सहयोग रकम वितरण कार्यमा सरिक पथरी शनिश्चरे वडा नं. ४ का वडाध्यक्ष लोक किरण न्यौपानेले अमरीकामा रहेका नेपालीहरुको संस्था कविर ज्ञानोदय सामाजिक केन्द्रको सहयोगले यो दशैंमा गरिवको चुलोमा आगो बलेको बताए । वडाध्यक्ष न्यौपानेले नेपालमा दुख र पिडामा रहेका नेपालीको दशैं मनाउन गरेको कार्यको प्रसंसा गर्दै आगामी दिनमा पनी दुखि र गरिवका लागि सहयोगको अपेक्षा राखेका छन ।
पथरी शनिश्चरे ८ का युवा किषन राईले दशैंको मुखमा दुई छाक खान समस्या रहेको परिवारमा खुसी ल्याउन कविर ज्ञानोदय सामाजिक केन्द्र अमरिकाका छोरा बनेर आएको बताएका । पथरी शनिश्चरे वडा नं. ४ का वडाध्यक्ष लोक किरण न्यौपाने र पथरी शनिश्चरे ८ का युवा किषन राईको पहलमा सहयोग भित्रिएको थियो ।






















