गोपाल काफ्ले/पथरी, २९ असोज
भारतको युकेएसी माथी ४–० गोल अन्तरले विजयी हुदै सहलेस युवा क्लव सिरहा बेलबारीमा जारी छैंठौ बेलबारी अन्तराष्ट्रिय आमन्त्रण गोल्डकपको सेमिफाइनलमा प्रबेश गरेको छ । मोरङ्गको बेलबारी स्थित लक्ष्मीमार्ग रंगशालामा जारी प्रतियोगीताको सोमबारको खेलमा सहलेसका फैजल, फोडे फोफना, फोफना इब्राइम र हरि कार्कीले गोल गरेका छन ।

पहिलो हाफ मै ३–० को अग्रता वनाएको सहलेसले दोश्रो हाफमा थप १ गोल गर्यो । निक्कै आक्रमक खेल खेलेको सहलेसले युकेएफी भारतलाई खेल अबधीभर नियन्त्रणमा राख्यो ।सहलेस सिराहाका लागि खेलको २४ औ मिनेटमा पहिलो गोल भने विदेशी खेलाडी फैजलले गोल गरे । युकेएसीका डिफेन्डरको गल्तीको फाइदा उठाउदै फैजलले वान भर्सेस वानमा गोल गरे ।

खेलको ३६ औं मिनेटमा फोडे फोफनाको पासलाई सदुपयोग गर्दै हरि कार्कीले उत्कृष्ट गोलमा गरे । फोडे फोफनाले मध्य भागवाट दिएको पासलाई विपक्षीको नजरमा नपरेका कार्कीले सुन्दर गोल गर्दा पाहुना टोली २–० गोल अन्तरले पछि प¥यो । एक पछि अर्को दवामा रहेको युकेएसीले खेलको ३९ औ मिनेटमा अर्को गोल खायो । विशाल घलानको पासमा फोफोना ईभ्राईमले गोल गरे । पहिलो हाफमै तिन गोलले अग्रता वनाएको सहलेसले निरन्तर विपक्षीको गोलपोष्टमा प्रहार ग¥यो ।

दोस्रो हाफमा खेलको ६० औं मिनेटमा डिएरीया नजिक वाट फोडेले गरेको प्रहार युकेएफसीका गोल किपर रुपक कोयुले ठम्याउन सकेनन र गोलले जाली चुम्यो । त्यस पछि गोल हुन सकेन र सहलेस सिरहा विजयी भयो । खेलको म्यान आफ दि म्याच सहलेसका फोफोना ईभ्राईम घोषीत हुदै नगद ५ हजार प्राप्त गरे । सोमवारको खेल राजारानी फुटबल क्लव धनकुटा र विग्रेड व्याइज क्लब काठमाडौका विच हुने छ ।


















