साइनो समाचारदाता, पथरी /२८ भादौ,
५९ औँ राष्ट्रिय बाल दिवसको अवसरमा आज पञ्चायत मावि पथरीशनिश्चरे १, मोरङले बृहत् रूपमा प्रतियोगितात्मक सांस्कृतिक कार्यक्रम सम्पन्न गरेको छ । विद्यालयका प्रधानाध्यापक अर्जुनकुमार बुढाथोकीको अध्यक्षतामा सम्पन्न कार्यक्रममा विद्यार्थीहरुले नृत्य तथा गायन प्रस्तुत गरेका थिए । सोहि अवसरमा विद्यालयले तहगत आधारमा गायन तथा नित्य प्रतियोगिता भएको थियो ।


बिहानी सत्रको गायन प्रतियोगितातर्फ कक्षा १२ कानुन समूहकी एलिसा राई प्रथम, कक्षा ११ सिभिल इन्जिनियरिङका प्रजेश लिम्बू द्वितीय र कक्षा १२ विज्ञान समूहबाट कसिस राई तृतीय भए । यस्तै नृत्यतर्फ कक्षा १२ का सिभिल इन्जिनियरिङ, शिक्षा र व्यवस्थापन ९नेपाली माध्यम० को समूह क्रमशस् प्रथम, द्वितीय र तृतीय भए । यसै गरी दिवा सत्रको गायनतर्फ कक्षा १० की कञ्चन माबो प्रथम, कक्षा ९ की आयुषा तामाङ द्वितीय र कक्षा १० की निकिता राई तृतीय भए । सामूहिक नृत्यतर्फ कक्षा ८ सि, कक्षा १० ए र ९ ए समूह क्रमशस् प्रथम, द्वितीय र तृतीय भए भने कक्षा ५ बि सान्त्वना घोषित भयो ।

सोही कार्यक्रममा नवआगन्तुक विद्यार्थीलाई स्वागत र भर्खरै कक्षा १२ मा सफल हुने विद्यार्थीलाई शुभकामनासहित बिदाइ गरियो । विद्यालय व्यवस्थापन समितिका अध्यक्ष युवराज बास्कोटाको प्रमुख आतिथ्यतामा भएको प्रतियोगितात्मक कार्यक्रमको सञ्चालन शिक्षकद्वय दिनेशकुमार सुवेदी र भवानी तिम्सिनाले गरेका थिए । कार्यक्रममा विभिन्न कक्षा र विषय समूहका गरी ४५ ओटा सामूहिक नृत्य र २६ जना विद्यार्थीको गायनमा स्पर्धा थियो । कार्यक्रमको निर्णायकहरूमा पथरी डान्स सेन्टरका प्रशिक्षक राम विक, पुष्प राई र सुशान्त तामाङ रहेको विद्यालयका सूचना संयोजक केशव निरौलाले जानकारी दिए।




















