साइनो समाचारदाता/पथरी, २ भाद्र
हामी सुधार्छौ हाम्रो विद्यालय भन्ने मुल उदेश्यका साथ आज पञ्चायत मावि पथरी शनिश्चरेले एक दिने अन्तरक्रिया कार्यक्रम गरेको छ । विद्यालय सुधारका लागि बिद्यालय ब्यवस्थापन समिति, शिक्षक, अभिभावक, कर्मचारी, पुर्व विद्यार्थी, विज्ञ र सरोकारवाला पक्ष संग अन्तरक्रिया गरिएको थियो ।

अन्तरक्रिया कार्यक्रममा व्यवस्थापन समितिका अध्यक्ष युवराज बास्कोटाले ‘सामुदायीक विद्यालय प्रसासन व्यवस्थावनमा देखिएका समस्या र समाधान’ का विषयमा सहजिकरण गर्नु भएको थियो । कार्यक्रममा शिक्षक, अभिभावक र ब्यावस्थापन समितिको काम कर्तब्य र जिम्मेवारीका बारेमा जानकारी दिदै अध्यक्ष बास्कोटाले पञ्चायत विद्यालयलाई हाम्रै पालामा नमुना बनाउन सकिने बताउनु भयो । शिक्षकले विद्यार्थीको मनोभावना अनुरुप सहजिकर्ताको भुमिका निर्वाह गर्दै अघिबढ्न आग्रह गर्नु भएको छ ।
अभिभावकको चासो सामुदायीक विद्यालय र विद्यार्थीमा नरहेको शिक्षकको गुनासो रहेको छ । अभिभावकले आफ्ना नानिहरुको र शैक्षिक संस्थाको विषयमा चासो दिई शिक्षक संग परामर्स लिने र दिने कार्य अनिवार्य रहेको शिक्षकको भनाई रहेको थियो ।
अभिभावकको साथ र सहयोग भए विद्यार्थीको चाहाना अनुरुप अतिरिक्त क्रियाकलाप र परापुर्वक पद्धती भन्दा फरक नयाँ प्रबिधि सहितको शैक्षिक शिकाई पद्धतीमा लाग्ने प्रधानाध्यापक अर्जुन कुमार बुढाथोकीले बताउनु भयो । अभिभावले सामुदायीक विद्यालय र आफ्ना नानिहरुमा चासो नदिदा बिद्यालय क्षेत्रमा दुर्वेशनी बढ्ने र बालबालीका कुलतमा फस्न सक्ने उहाँले बताउनु भयो ।

सामुदायीक विद्यालय सफल हून सबै पक्षको अहम भुमिका हुनु पर्ने ब्यवस्थापन समितिकी सदस्य गोमा दाहालले बताउनु भयो । कार्यक्रममा बालबालिकालाई लैगिक हिंसा, दुर्वेशनीको सिकार हुनबाट बच्न र विद्यार्थीका समस्यया चुनौती र समाधान सम्बन्धी ब्यवस्थापन समितिकी शिक्षक र अभिभावकले खेल्नु पर्ने भुमिकाका बारेमा सहजिकरण गर्नु भएको थियो ।
सामुदायीक विद्यालय तर्फ छुट्टै परिचय बनाएको पञ्चायत माविमा विज्ञान, सिभिल ईन्जिनियर, ब्यवस्थापन, शिक्षा, मानविकी, आर्ट, पत्रकारीता, कानुन संकायमा पठन पाठन हुदै आएको छ । सामुदायीक विद्यालयमै कोसी प्रदेशमा उत्कृष्ट नतिजा ल्याएकको पञ्चायमा पुर्वी नेपालको दुरदराजका बालबालिकाहरु अध्यायन गर्दै आएका छन । कोसी प्रदेशको एक मात्र दुई सय बैद्धिक अपाङ्गता बालबालिकाको लागि आवासीय सहितको विद्यालय संचालन हुदै आएको छ ।
कार्यक्रममा, संविधान सभा सदस्य चण्डि प्रसाद राई, व्यवस्थापन पुर्व अध्यक्ष आइतकुमारी राई, वडाध्यक्ष भिम कुमार राई, राजनैतिक दतका प्रतिनिधी गणेश खड्का, देवराज भण्डारी, पर्शु मिश्र, शिक्षक, अभिभावकको उपस्थित रहेको थियो ।
















