साइनाे समाचारदाता, पथरी/असोज १४
पथरी शनिश्चरेमा रहेको लर्ड बुद्ध साकोसले क्यान्सर पीडित बालकलाई आर्थिक सहयोग गरेको छ । स्वर्गीय कूलप्रसाद भट्टराईको स्मृति छोरा इन्द्रप्रसाद भट्टराई खडा गरेको अक्षय कोषबाट पथरीशनिश्चरे ९ का क्यान्सर पीडित बालकलाई आर्थिक सहयोग प्रदान गरेको हो ।
इन्द्रप्रसाद भट्टराईले आर्थिक अभावले बुबा गुमाएको कारण कोहि पनि आर्थिक अभावले उपचारबाट बन्चित नहुनु भनि ४ बर्ष अगाडी १ लाख रूपैयाँको अक्षय कोष स्थापना गरेका थिए । लर्ड बुद्ध साकोसले उत्त कोषबाट प्रतयेक बर्ष एक जना विरामीलाई उपचार खर्च सहयोग गर्ने सचिव महेन्द्र ढुङगानाले बताउनु भयो ।

पथरी शनिश्चरे ९ निवासी १५ वर्षका बालक अमिर माझीको पूर्वाञ्चल क्यान्सर अस्पताल विर्तामोडमा उपचार भइरहेको छ । आर्थिक अभावले उपचारमा समस्या भएको थाहा पाए पछि लर्डबद्ध साकोसले थप उपचारका लागि सहयोग जुटाएको ब्यवस्थापक गणेश बाछान्ना राईले बताउनु भयो ।
साकोसले कोषका संरक्षक छोरा इन्द्रप्रसाद भट्टराई र श्रिमति रत्नमाया भट्टराईले क्यान्सर पीडित बालककी आमा विना माझीलाई नगद २० हजार रुपैयाँ सहयोग प्रदान गर्नु भएको छ । १५ वर्षीय बालक अमिर माझी घाटीको क्यान्सरका कारण गत फागुन महिनादेखि पूर्वाञ्चल क्यान्सर अस्पतालमा उपचार गराइ रहेका छन । आर्थिक अवस्था कम्जोर भएका माझीले छोराको उपचारका लागि जग्गा समेत बिक्री गरिसकेका छन् ।
अस्पतालको जिवन मरन संग जुद्धै गरेको छोरालाई बचाइदिन आमा विना माझीले गुहार माग्नु भएको छ । सबैको सहयोग भए छोरा बाच्ने माझी बताउनु हुन्छ । इच्छुक सहयोगी महानुभावहरुका लागि ९८१६९१५४२२, ९८१३९५९६९ नं. मा सम्पर्क गरि सहयोग गर्न सक्नु हुन्छ ।

















