साइनाे समाचारदाता/पथरी,भदौ १०
नेपाली हिन्दू महिलाहरूले बर्षमा एक पटक स्वतन्त्र र आनन्दमय रूपमा मनाउदै आएको हरितालीका तीज अन्य धर्म र जातजातिका नेपाली महिलाहरूले समेत हर्साेउल्लासका साथ मनाउन थालेका छन् । मोरङको पथरी शनिश्चरेमा पनि शान्त्ती किर्तन मण्डलीले हरितालीका तिजको अवसरमा चेलिबेटीलाई दर खुवाएको छ । किर्तन मण्डलीमा शुक्रबार आफ्नै भवनमा एक कार्यक्रमको अयोजना गरि दर खुवाएको हो । किर्तन मण्डलीका दाजु भाईले प्रत्येक बर्ष चेलिबेटीहरुलाई एकै ठाउँ भेला गरि दर खुवाउदै आएको छ ।

कार्यक्रममा दर संगै महिला आमा दिदी बहिनीहरु बिच नित्य प्रतियोगिता भएको थियो । प्रतियोगितामा गंगा पाठक प्रथम, नन्द कुमारी पोख्रेल दोस्रो, पार्वता चौधरी तितृय र विमला विष्ट सान्तवना भएका थिए । कार्यक्रममा प्रमुख अतिथी आचार्य पण्डित केवल कृष्ण अधिकारीले हिन्दू नारीहरूले मनाउने महत्त्वपूर्ण चाड हरितालिका तीजको शुभकामना दिनु भएको छ । नेपाली हिन्दू महिलाहरूद्वारा स्वतन्त्र र आनन्दमय रूपमा मनाइने तीज अन्य धर्म र जातजातिका नेपाली महिलाहरूले पनि हर्षोल्लासका साथ मनाउन थालेको बताउनु भयो । यो पर्व पार्वतीले भगवान शिवलाई स्वास्थ्य तथा शरीरमा कुनै वाधा उत्पन्न नहोस् भनेर पहिलो बर्त राखे देखि हरितालिका तीज मनाउने गरे पाइन्छ । त्यसै दिनदेखि आजसम्म हिन्दू नारीहरूले यो पर्व मनाउदै आएको आचार्य पण्डित केवल कृष्ण अधिकारीले बताउनु भयो ।

यो चाड भाद्र शुक्ल द्वितीयादेखि पञ्चमीसम्म ४ दिन मनाइन्छ । तीजमा भगवान शिवको आराधना गरिनुका साथै नाचगान मनोरञ्जन समेत गर्ने गरिन्छ । यो पर्व मुख्यरूपले नेपालभर मनाइन्छ भने भारतका कुनै कुनै प्रान्तमा पनि मनाइने गरेको भेटिन्छ ।

















