बेलबारीमा कांग्रेसलाई अवसर, विरासत जोगाउन एमालेलाई हम्मे - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • शनिबार, मङि्सर ०६, २०८३

बेलबारीमा कांग्रेसलाई अवसर, विरासत जोगाउन एमालेलाई हम्मे

मोरङ । यही वैशाख ३० गते हुने स्थानीय तहको निर्वाचनमा मोरङको बेलबारीमा एमाले, कांग्रेस, माओवादी, राप्रपा र एकीकृत समाजवादी पार्टीका उम्मेदवारहरू चुनावी मैदानमा होमिएका छन् । तथापि नेपाली कांग्रेस र नेकपा एमालेका उम्मेदवारहरूबीच नै बढी प्रतिस्पर्धा हुने देखिन्छ ।  विगत ३० वर्षदेखि नेकपा एमालेले एकछत्र राज गर्दै आएको बेलबारीमा यस पटक एमालेले विरासत जोगाउन सक्ला ? भन्ने सर्वत्र चासोको विषय बनेको छ ।

                                    नेपाली कांग्रेसका उम्मेदवार महेन्द्र सुवेदी र नेकपा एमालेका उम्मेदवार दिलप्रसाद राई ।

बेलबारीमा मेयर पदका लागि नेकपा एमालेबाट  दिलप्रसाद राई (डिपी) र नेपाली कांग्रेसका तर्फबाट विगत ३ दशकदेखि राजनीतिमा सक्रिय महेन्द्र सुवेदी चुनावी प्रतिस्पर्धामा रहेका छन् । मेयर पदमा माओवादी केन्द्रबाट नगेन्द्र खडका, एकीकृत समाजवादी पार्टीबाट भूपाल बस्नेत, राप्रपाबाट खेम गौतम लगायत चुनावी दौडमा छन्, तथापि नेपाली कांग्रेस र नेकपा एमालेका उम्मेदवारहरूबीच नै बढी प्रतिस्पर्धा हुने देखिन्छ ।

२०७४ सालको स्थानीय निर्वाचनमा बेलबारी नगरपालिकाको मेयरमा झिनो मतका साथ नेपाली कांग्रेसका उम्मेदवार राजकुमार लिम्बु पराजित भएका थिए । उनलाई नेकपा एमालेका उम्मेदवार ज्ञानेन्द्र सुवेदीले २ सय मतान्तरले जितेका थिए । कांग्रेसको कमजोर क्षेत्र मानिएको बेलबारीमा लिम्बुलाई त्यस समय (पपुलर मत ) प्राप्त भएको थियो ।

यस पटक पनि चुनावी प्रतिस्पर्धा निकै कडा र रोचक हुने देखिन्छ । कांग्रेसका उम्मेदवार महेन्द्र सुवेदीलाई जिताउन स्थानीय कार्यकर्ताको बाक्लो उपस्थिति देखिन्छ । सुवेदीको पक्षमा भोट माग्न पूर्व राज्यमन्त्री दिलीप गच्छदार, मोरङ क्षेत्र नम्बर ३ का प्रतिनिधि सभाका पूर्व उम्मेदवार साथै नेपाली कांग्रेसका महासमिति सदस्य सुनिल शर्मा लगागतका नेताहरू  लागिपरेका छन् । त्यसै गरी एमालेका उम्मेदवार दिलप्रसाद राईलाई भोट माग्न पूर्व मन्त्री भानुभक्त ढकाल, प्रदेश सभा सदस्य राजकुमार ओझा लगायतका नेताहरू लागिपरेका छन् ।

बेलबारीको वडा नम्बर ३, ४, ५, ७, ८, ९ लगायतका वडाहरूमा सुवेदीको पकड बलियो देखिन्छ । त्यही क्षेत्रको भोटका कारण पनि सुवेदीले जित्न सक्ने आङ्कलन गर्नेहरू धेरै छन् । बेलबारीमा मेयर पदमा विजयी हुन कम्तीमा १५ हजार भोटको आबश्यकता पर्दछ ।

अघिल्लो निर्बाचनमा झन्डै साढे ११ हजारको हाराहारीमा मत ल्याएर एमालेका उम्मेदवार विजयी भएका थिए । यस पटक एमालेलाई आफ्नो विरासत जोगाउन हम्मे परेको छ भने कांग्रेस जसरी पनि विरासत भत्काउने ध्याउन्नमा लागेको छ ।

सम्बन्धित खवर