साइनो समाचारदाता
विराटनगर । कोभिड १९ बाट संक्रमित प्रदेश १ का ८८ जनामहिलासहित ६ सय ४ जना डिस्चार्ज भएको छन् । प्रदेश सरकार मुख्यमन्त्री तथा मन्त्रन्त्रपरिषद्को कार्यालयले प्रदेश नं. १, विराटनगरले कोभिड १९ वारे प्रदेशभरको जानकारी सो कुरा बताएको हो । डिस्चार्ज मध्ये झापाबाट २ सय ५८ र मोरंगबाट १ सय ५६ जना घर फर्किएका छन् ।
प्रदेश १ मा आज ३३ जना डिस्चार्ज भएका छन् । पूर्वाञ्चल विश्वविद्यालय कोभिड १९ आईसोलेसन अस्पतालमा उपचाररत ३३ जना डिस्चार्ज भएको सामाजिक विकास मन्त्रालयले जनाएको छ । डिस्चार्ज हुनेमा झापाका २०, मोरंगका ५, संखुवासभाका ३, सुनसरी र खोटाङका २–२ र ताप्लेजुङका १ पुरुष डिस्चार्ज भएका हुन ।
प्रदेशभर हालसम्म १ सय १९ महिला र ६ सय ११ पुरुषसहित ७ सय ३० जना संक्रमित भएका छन् । सबैभन्दा बढी झापामा २ सय ९८ जनामा संक्रमण देखिएको छ । मोरंगमा १ सय ९० जनामा कोरोना पोजिटिप देखिएको छ । मोरंग प्रदेशभरमा बढी कोरोना संक्रमित हुने संख्याहरुमा दोस्रो नम्बरमा आउछ ।
सोमबार प्रदेश १ मा ६ जना संक्रमित थपिएका छन् । सुनसरीको रामधुनीका १ पुरुष, झापाको गौरीगञ्जका ३ पुरुष र दमकका १ पुरुष र मोरङको कटहरीका १ जनामा संक्रमण देखिएको सामाजिक विकास मन्त्रालयले जनाएको छ ।
















