साइनो समाचारदाता
काठमाडौ । कोरोना (कोभिड १९) संक्रमितको संख्या १ सय ९ पुगेको स्वास्थ्य तथा जनसंख्या मन्त्रालयले जनाएको छ । मन्त्रालद्वारा जारी विज्ञप्ति अनुसार काठमाण्डूको टेकुस्थित जनस्वास्थ्य प्रयोगशाला र विराटनगरस्थित कोशी अस्पतालमा नमुना परीक्षण गरिँदा नयाँ सात जनामा सङ्क्रमण पुष्टि भएको हो । उदयपुर भुल्केका १८, ४५ र ६५ वर्षका महिलाहरू र कपिलवस्तुका १७, १८ र १८ वर्षका पुरुषहरू तथा पर्सा छपकैयाका ६२ वर्षका पुरुषमा संक्रमण देखिएको हो । स्वास्थ्यकर्मीको सम्पर्कमा रहेको संक्रमितहरुको स्वास्थ्य अवस्था सामान्य रहेको छ ।

५४ हजार ५ सय ३१ जनाको आरडीटीबाट परीक्षण गरिएको छ । हालसम्ममा पीसीआरबाट १५ हजार ४ सय ९९ जनाको परीक्षण गरिएको मध्ये १५ हजार ३ सय ९० जनामा संक्रमण नदेखिएको, १५ हजार ६ सय २४ जना क्वारेन्टाइनमा रहेको, १ सय ३५ जना आइसोलेसनमा रहेको र ३० जना निको भएका छन् । विश्वभरीमा ३७ लाख २६ हजार २ सय ९२ जनामा संक्रमित देखिएको र २ लाख ५७ हजार ४ सय ५ जना कोरोनाबाट मृत्यु भएको विश्व स्वास्थ्य संगठनले बताएको छ ।
















