सत्तारुढ नेकपाले छान्यो राष्ट्रिय सभाका उम्मेदवार - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • बुधबार, मङि्सर ०३, २०८३

सत्तारुढ नेकपाले छान्यो राष्ट्रिय सभाका उम्मेदवार

साइनो समाचारदाता

काठमाडौं । माघ ९ गते हुने राष्ट्रिय सभा सदस्य निर्वाचनको लागि सत्तारुढ नेकपा (नेकपा)ले उम्मेदवार सिफारिस गरेको छ ।

गोपी अछामी 

प्रदेश १ बाट इन्दु गौतम (महिला), गोपी अछामी (दलित), देवेन्द्र दाहाल (अन्य)लाई सिफारिसमा परेका छन् । प्रदेश २ बाट तुलसा दाहाल (महिला) र राधेश्याम पासवान (दलित), प्रदेश ३ बाट गंगा बेल्बासे (महिला), बेदुराम भुषाल (अन्य), गण्डकीबाट नारायणकाजी श्रेष्ठ (अन्य), भगवती न्यौपाने (महिला), प्रदेश ५ बाट विमला घिमिरे (महिला), जगप्रसाद शर्मा (अपांगता÷अल्पसंख्यक) र गोपाल भट्टराई (अन्य)लाई सिफारिस गरिएको छ । श्रेष्ठ पार्टी प्रवक्ता हुन् । त्यस्तै कर्णाली प्रदेशबाट मायाप्रसाद शर्मा (अन्य), सुमित्रा बिसी (महिला) र सुदूरपश्चिमबाट तारामान स्वार (अन्य), शारदा भट्ट (महिला)लाई नेकपाले सिफारिस गरेको छ । शुक्रबार बसेको सचिवालय बैठकले सातै प्रदेशबाट उम्मेदवार बनाएको हो । राष्ट्रियसभा सदस्य निर्वाचनका लागि आइतबार उम्मेदवारी दर्ताको कार्यक्रम छ । राष्ट्रियसभामा रिक्त १९ मध्ये १८ सिटका लागि निर्वाचन हुँदैछ ।

देवेन्द्र दाहाल

निर्वाचन आयोगका अनुसार। प्रदेश नम्बर १ को लागि मोरङको विराटनगर महानगरपालिका स्थित वीरेन्द्र सभागृहलाई मतदान स्थल तोकेको छ । प्रदेशसभा सदस्यतर्फ ९३ र स्थानीय तहतर्फ अध्यक्ष, उपाध्यक्ष, प्रमुख र उपप्रमुख २८४ गरी जम्मा ३६७ जना मतदाताले विराटनगरमा मत हाल्नेछन् ।

प्रदेश नम्बर २ मा पनि एक मदतान स्थल तोकिएको छ । धनुषाको जनकपुर उपमहानगरपालिका स्थित महेन्द्रनारायण स्मृति भवनलाई तोकिएको स्थलमा प्रदेश सभा सदस्यतर्फ १०७ र स्थानीय तहतर्फ अध्यक्ष, उपाध्यक्ष, प्रमुख र उपप्रमुख २७२ गरी जम्मा ३७९ जनाले मत हाल्ने व्यवस्था गरिएको छ । ललितपुर महानगरपालिकाको वडा समितिको भवन मतदानस्थललाई पनि मतदान केन्द्र तोकिएको छ । केन्द्रमा प्रदेश नम्बर ३ को प्रदेशसभा सदस्यतर्फ ११० र स्थानीय तहतर्फ अध्यक्ष, उपाध्यक्ष, प्रमुख र उपप्रमुख २३८ गरी जम्मा ३४८ जना मतदाता रहेका छन् ।

गण्डकी प्रदेशमा कास्कीको निर्वाचन कार्यालय पोखरा मतदानस्थल तोकिएको छ । केन्द्रमा प्रदेशसभा सदस्यतर्फ ६० र स्थानीय तहतर्फ अध्यक्ष, उपाध्यक्ष, प्रमुख र उपप्रमुख १७० गरी जम्मा २३० जना मतदाता रहेका छन् । साथै प्रदेश नम्बर ५ को दाङको घोराही उपमहानगरपालिकाको कर्मचारी मिलन केन्द्रको भवन मतदानस्थल तोकिएको छ । प्रदेशसभा सदस्यतर्फ ८७ र स्थानीय तहतर्फ अध्यक्ष, उपाध्यक्ष, प्रमुख र उपप्रमुख २१८ गरी जम्मा ३०५ जना मतदाता सो केन्द्रमा मत हाल्नेछन् । कर्णाली प्रदेशमा सुर्खेतको जिल्ला निर्वाचन कार्यालय परिसरको भवन मतदानस्थल तोकिएको छ । उक्त केन्द्रमा प्रदेशसभा सदस्यतर्फ ४० र स्थानीय तहतर्फ अध्यक्ष, उपाध्यक्ष, प्रमुख र उपप्रमुख १५८ गरी जम्मा १९८ जना मतदाता रहेका छन् ।

आयोगले सुदूरपश्चिम प्रदेशमा डोटीको सिलगढी नगरपालिकाको पद्म पब्लिकमुक्ति नारायण उच्च मावि मतदानस्थल तोकिदिएको छ । केन्द्रमा प्रदेशसभा सदस्यतर्फ ५३ र स्थानीय तहतर्फ अध्यक्ष, उपाध्यक्ष, प्रमुख र उपप्रमुख १७६ गरी जम्मा २२९ जना मतदाता रहेका आयोगका सहसचिब एवम् प्रवक्ता राजकुमार श्रेष्ठ द्वारा जारी विज्ञप्तीमा उल्लेख छ । सातवटा प्रदेशमा प्रदेशसभा सदस्यतर्फका ५५० र स्थानीय तहतर्फका अध्यक्ष, उपाध्यक्ष तथा प्रमुख र उपप्रमुख १ हजार ५ सय ६ गरी कूल जम्मा २ हजार ५६ जना मतदाता रहेको आयोगद्वारा जारी विज्ञप्तीमा लेखिएको छ ।

सम्बन्धित खवर