गोपाल काफ्ले, पथरी/ २० फागुन
मोरङ क्षेत्र नं. ३ मा भोली फागुन २१ गते हुने निर्वाचनका लागि सम्पुर्ण तयारी पुरा भएको छ । १ लाख ५८ हजार ५७ मतदाता रहेको मोरङ क्षेत्र नं. ३ मा ५५ मतदान स्थल मा १ सय ७९ मतदान केन्द्र रहेको छ । मोरङ ३ मा १६ वटा दल र २ जना स्वतन्त्र उमेद्वार गरि १८ जनाको उमेद्वार रहेको छ । हाल मोरङ ३ का सबै मतदान स्थल र केन्द्र मतदान गर्न तयार भै सकेको निर्वाचन अधिकृत रुद्र प्रसाद अर्यालले जानकारी दिनु भयो । अर्यालले आज सबै मतदान स्थल निरिक्षण गरि चुनाव स्वच्छ तरिकाले गर्न निर्देशन दिदै मतदातालाई भयरहित तरिकाले मतदान गर्न आवहान गर्नु भएको छ ।

२०४८ सालदेखि नेकपा एमालेको लालकिल्ला रहेको मोरङ ३ मा २०७९ को चुनावमा कांग्रेसका शुनिल कुमार शर्मा विजयी भएका थिए । यस चुनावमा भने यस क्षेत्रमा कांग्रेसका सुनिल कुमार शर्मा, एमालेबाट इरन कुमार राई र रास्वपाका गणेश कार्की बिच कडा प्रतिस्पर्दा हुने देखिन्छ । राम्राै सरमर्थन पाएको श्रम संस्कृति पार्टी अमिर मगर, नेपाली कम्युनिस्ट पार्टीका देउमान कन्दङवा सम्बाहाम्फे र राप्रपाका प्रेम प्रसाद सुवेदीले कांग्रेस, एमाले र रास्वपालाई कडा चुनौती दिएको देखिन्छ ।

















