साइनो समाचारदाता/ पथरी, २१ माघ
निर्वाचन आयोग मोरङ क्षेत्र नं. ३ ले आयोगको कार्यलय बेलबारीमा निर्बाचन आचारसंहिता सम्बन्धी छलफल गरेको छ । मोरङ क्षेत्र नम्बर ३ अन्तरगत निर्बाचन अधिकृतको कार्यलय बेलबारीमा बुधबार दिउँसो निर्बाचन आचारसंहिता सम्बन्धी बृहत छलफल भएको हो ।

उम्मेदवार, सुरक्षा निकाय, प्रशासन र सञ्चारकर्मीहरुलाई लक्षित गरि निर्बाचन आयोगले लागु गरेको आचारसंहिता भित्र रहेर चुनाव प्रचार गर्न निर्देशन दिएको छ । छलफलमा जिल्ला प्रशासन कार्यलय मोरङका प्रमुख जिल्ला अधिकारी, सहायक जिल्ला अधिकारी, जिल्ला प्रहरी कार्यलय मोरङका प्रमुख, अन्य सुरक्षा निकायका प्रमुखहरुले क्षेत्र नम्बर ३ का उम्मेदवार, प्रतिनिधिहरु र सञ्चारकर्मी संग निर्वाचन सफल बनाउन छलफल गर्नु भएको थियो ।
आयोगले निर्वाचनका लागि सबै प्रकृया पुरा गरेकाले निर्बाचन आचारसंहिता भित्र संचारकर्मी र दलहरु रहन अनिवर्य रहेको जिल्ला प्रशासन कार्यलय मोरङका प्रमुख जिल्ला अधिकारी युवराज कट्टेलले बताउनु भयो । निर्वाचनका लागि सम्पुर्ण सुरक्षा दलहरुले तयार भै सकेका कारण भव रहित तरिकाले निर्वाचन आचारसहिंता भित्र रहेर सर्वसाधारण जनताले निर्वाचनमा सहभागि हुन जिल्ला प्रहरी कार्यलय मोरङका प्रमुख कवित कटुवालले बताउनु भयो ।

















