साइनो समाचारदाता, ८ माघ
“सिर्जनशील हात¸वैज्ञानिक सोच: विद्यार्थीको प्रगतिको नयाँ खोज” भन्ने नाराका साथ मोरङको बेलबारी नगरपालिकाले ३ दिने विज्ञान प्रदर्शनी कार्यक्रम गरेको छ । लक्ष्मी माध्यमिक विद्यालयको प्रङगणमा माघ ६ देखि ८ गते सम्म सञ्चालन भइरहेको प्रदर्शनीमा नगर भरिका निजी तथा संस्थागत विद्यालयको सहभागिता रहेको थियो ।

प्रदर्शनी कार्यक्रम नगर भित्रका विद्यालयका विद्यार्थीहरुले निर्माण गरेका विज्ञानका सामग्रीहरु प्रदर्शन गरेका छन । विद्यार्थीहरुले निर्माण गरेका सामानहरु आकर्षक र सिर्जनशीलता उजागर हुने खालको देखिएको छ । प्रदर्शनीमा बेलबारी ९ डाँगिहाट स्थित काली माध्यमिक विद्यालयका विद्यार्थीहरुले प्रदर्शनीमा राखेको अप्टिकल फाइबरको आधुनिक दूरसञ्चारको प्रोजेक्टले अकर्षण बढाएको छ । प्रदर्शनीमा रहेको आधुनिक दूरसञ्चारले राष्ट्रिय तथा विश्वको सञ्जालको व्यवहारिक ज्ञान दिने शिक्षक तेज कार्कीले बताउनु भयो । उत्त प्रोजेक्ट निकै प्रभावकारी रहेको अवलोकनकर्ताहरु बताउछन ।
प्रदर्शनीमा राखिएको उक्त प्रोजेक्टमा हस्तकलाको सदुपायोग गरी बिश्व नक्सा चित्र भित्र नेपालको नक्सा तयार गरी स्तरीय रङरोगनका साथ अप्टिकल फाइबर केवल जडान गरि तयार पारिएको छ । पहिलो भागमा बिश्व नक्सा चित्रमा टाएर-१ कम्पनीहरुले महासागरहरुको पानी मुनि जमिनको सतह भएर बिच्छाइएको अप्टिकल फाइबर केवलले महादेशहरुलाई एक अर्कामा इन्टरनेट माध्यमले जोडाउन गरेको छ । टाएर-१ कम्पनिहरुले टाएर-२ कम्पनीहरुलाई देशमा इन्टेरनेटसेवा प्रदान गर्ने प्रकृया फाइबर केवल, डिजिटल लाईट र “Fluid And Air Bubble Flow Under Air Pressure” प्रयोग गरी सरल तवरले बुझाउने गरी निर्माण भएको छ ।
दोश्रो भागमा सन् १९९५ मा नेपालकै पहिलो बिस्तार नेपाल दूरसञ्चार प्राधिकरणले प्रयोग गरेको अप्टिकल फाइबरको जग बसाउने कार्यलाई प्रस्तुत गरिएको छ । नेपाल बिधुत प्राधिकरणले आफ्नो प्रयोगको लागि हाइटेन्सन ट्रान्समिसन पोल माथिबाट बिस्तार गरेको अप्टिकल फाइबर देशको आधुनिक टेलिकम्युनिकेशनको मेरुदण्ड भएको देखाएको छ । अवलोकनकर्ताले बुझ्ने बिधि प्रयोग गरी प्रस्तुत गरेकाछन् । उत्त अप्टिकल फाइबर उच्च डेटा ट्रान्सफर क्षमता, लामो दुरीसम्म कमहानी, सुरक्षित साथै विश्वसनीय र हल्का हुनाले आधुनिक टेलिकम्युनिकेशनमा अप्टिकल फाइबरको भूमिका हाल प्रयोगमा रहेको अत्याधुनिक दूरसञ्चारमा अपरिहार्य रहेको प्रस्तोता विद्यार्थीहरुले बताएका छन्।
















