साइनोसमाचारदाता/ पथरी, ८ माघ
मोरङको पथरी शनिश्चरे वडा नम्वर ८ का सुप्रिम विक र पर्वत चौधारी जस्तै अन्य विद्यार्थीहरुको दैनिकी फेरिएको छ । उनिहरुको विद्यालयमा सिकेको सिपले गाँउघरमा समेत सहयोग पाएको छ । उनिहरु पथरी शनिश्चरे वडा नं ८ को बुद्ध माविमा कक्षा ९ र १० मा अध्यायन गर्छन् । अध्यायन संगै इलेक्ट्रिकसिटी, प्लम्विङ पशुपालन तालिम समेत लिदै आएका छन् ।

पथरी शनिश्चरे वडा नम्वर ८ ले बिद्यालयमा सुरु गरेको पशुपालन, इलेक्ट्रिकसिटी, प्लम्विङ, फेशन डिजाइन, नृत्य र गायनले विद्यार्थीमा सिपको विकास भएको छ । विद्यालयमा शिक्षा संगै सिकेको सिप कार्यक्रमले विद्यार्थी पर्वत चौधारीलाई आत्माबल बढेको छ । चौधारीले विधालयमा इलेक्ट्रोनिक विषयको तालिम लिइरहेका छन् । अहिले उनि गाँउघरका विद्युतका सामान्य समस्या हेर्न र बनाउन थालिसकेको छन् । त्यस्तै पशुपालन विषयको तालिम लिइरहेका सुप्रिम विकको परिवारमा समेत कृषी क्षेत्रमा ठुलै सहयोग पुर्याउने छ । उनि पशु पालन र व्यावस्थापन मात्र नभएर सामान्य रोगको निदान र उपचारका विषयमा समेत अध्यायन गर्न थालेका छन् ।
वडाले ल्याएको कार्यक्रमले सुरुवातमै निक्कै प्रशंशा पाएको थियो । वडाले सुरु गरेको कार्यक्रमलाई पथरी शनिश्चरे नगरपालिकाले समेत सहयोग पु¥याएको छ । वडा भित्रका तिन विद्यालयले सुरु गरेको शिक्षा संगै सिप कार्यक्रम प्रभावकारी बन्दै गएको हो । यहि आर्थिक वर्षवाट सुरु भएको सो कार्यक्रमबाट विद्यार्थीले प्रत्यक्ष लाभ लिईरहेका छन । विद्यार्थीलाई प्रारम्भिक र शौदान्तीक ज्ञान संगसंगै प्राविधिक र व्यावहारिक ज्ञान सिपले आत्मनिर्भर वनाउने उदश्यले वडाले सो कार्यक्रम सन्चालनमा ल्याएको हो ।

वडाको बुद्ध मावी, मिलन आधारभुत विद्यालय र दुर्गा आधारभुत विद्यालयमा शिक्षा संगै सिप कार्यक्रम सुरु भए पछि विद्यार्थीको आर्कषण समेत वडन थालेको छ । आधारभुत विद्यालयमा नृत्य र गायनका कक्षा सुरु भएको छ भने बुद्ध मावीमा पशुपालन, इलेक्ट्रिकसिटी ,प्लम्विङ र फेशन डिजाइनका कक्षा सुरु भएको छ । जसका कारण विद्यार्थीहरु नियमित विद्यालय आउन थालेका छन् । वडा अध्यक्ष नविन कार्कीका अनुसार वडाले वार्षिक कार्यक्रम बनाएरै शिक्षा संगै सिप कार्यक्रम सुरु गरेको बताउनुहुन्छ । अध्यक्ष कार्की भन्नु हुन्छ ‘हामीले तालिम सन्चालन गर्नुको उदेश्य शौदान्तीक शिक्षा संगै व्यावहारीक शिक्षामा पनि लागु गर्नु हो । एउटा विद्यार्थीले आफ्नो घरको सामान्य समस्या समाधान गर्न अर्को व्याक्ति वोलाउने वाध्यता हटाउन पनि यो कार्यक्रम सुरु गरिएको हो’ । विद्यालय जिवनवाट वाहिरिदा दक्ष प्राविधिक भएर बाहिर निस्कन सहयोग होस भनेर कार्यक्रम थालिएको वडा अध्यक्ष कार्कीले बताउनु भयो ।
वडाले सुरु गरेको यो कार्यक्रमले विद्यार्थीलाई किताबी ज्ञान संगै व्यावहारिक कुरामा पनि पोख्त बनाउने बुद्ध मावीका प्रध्यानाध्पक बोधराज सिग्देलको भनाई छ । जसले घरमै भएका सामान्य समस्यालाई प्राविधीक बोलाएर समय र पैसा खर्चनु भन्दा विद्यालयमा सिकेका सिपले विद्यार्थीमा रोजगारी सृजना हुने प्रध्यानाध्पक सिग्देल बताउनु हुन्छ । वडाले सुरु गरेको यो कार्यक्रमलाई नगर भरिका विद्यालयमा पनि लागु गर्न सके स्वदेशमै दक्ष जनशत्ती उत्पादन हुने र स्वरोजगारी हुनेमा दुइमत छैन् ।
















