रबिन्द्र बराल/ रंगेली, १३ असार/ मोरङको रङ्गेली नगरपालिका ४ स्थित चोप्राह नजिकैमा रहेको घाँघी खोलामा एकजना वृद्धको मृत्यु भएको छ। खोला तरी धानको बिउ उखाल्न जाने क्रममा रङ्गेली नगरपालिका ४ स्थित चोप्राहका ४० वर्षीय नागेश्वर मण्डलको मृत्यू भएको हो ।

मङ्गलबार राति देखि आएको अबिरल वर्षाका कारण खोलामा पानीको भाव बढेको थियो । खोलामा बाढि आएकै समयमा धानको बिउ उखाल्न खोला पारी गर्ने क्रममा मण्डललाई बगाएको थियो । प्रहरीका अनुसार उनी आफ्नो खेतको लागि बिउ उखेल्नका लागि खोला तरेर आफ्नो खेत तर्फ जाने क्रममा उनलाई खोलामा आएको बाडीले बगाएको प्रहरीले जानकारी दिएको हो ।
स्थानीय बासिन्दाहरूको प्रहरीलाई सुचाना गरेका पछि सशस्त्र बि ओ पी चोप्राह र इलाका प्रहरी कार्यालय रंगेलीको संयुक्त टोलीले शव भेटेको थियो । तीन घण्टाको प्रयास पछि सशस्त्र वि ओ पीले खोलाको १०० मिटर उत्तर तर्फ उक्त लास फेला परेको इलाका पंहरी कार्यलयका रङ्गेलीका प्रहरी निरीक्षक राजु श्रेष्ठले जानकारी दिएका छन् ।
















