साइनो समाचारदाता/ पथरी, जेष्ठ ३,
तिन महिना देखि उपचारको अभावमा रहेकी चम्पा ऋसिदेवले उपचार पाएकी छन । पथरी शनिश्चरे १० जिरिखिम्तिकी ४७ बर्षीय ऋसिदेव आर्थिक अभावका कारण उपचारबाट बन्चित भएकी थिन ।

शौचालय जाने क्रममा लडेर खुट्टा भाचिएकी ऋसिदेव तिन महिना देखि ओछ्यान परेकी थिन । तिन महिना देखि छोरी र श्रीमानको साहारामा शौचालय जाने आउने गरेकी ऋसिदेवका लागि अमेरिकाबाट उपचार सहयोग जुटेको छ । पथरी शनिश्चरेका दिपेन्द्र दाहाल, प्रदिप कटुवाल र पुर्ण बहादुर चौहानले ऋसिदेवको उपचारमा सहयोग गरेका हुन । ऋसिदेवको उपचार नोवेल मेडिकल कलेजका संचालक तथा मोरङ क्षेत्र नं. ३ का संसद शुनिल शर्माले निशुल्क गर्ने भए पछि उपचारका लागि नोवेल लगिएको छ ।
उपचार निशुल्क भए पनि औषधीमा हुने खर्च जुटाउन नसक्दा ३ महिना देखि ऋसिदेव ओछ्यान परेकी थिन । दाहाल, कटुवाल र चौहानले तिस हजार ५ सय सहयोग गरे संगै ऋसिदेवको उपचार सुरु भएको छ । आफ्नो उपचारमा अमेरिकाबाट सहयोग पाए संगै ऋसिदेवको मुहारमा खुसी छाएको छ । उत्त सहयोग रकम कञ्चनजंघा दैविक प्रकोप समितिका अध्यक्ष सागर थापाले विरामीलाई उपलब्ध गराएका छन ।

विरामी ऋसिदेवको उपचारमा राजु दाहाल, जगत तिवारीले सहयोग खोजे संगै स्थानिय अर्जुन पोख्रेलको पहलमा नोवेल मेडिकल कलेजले निशुल्क स्वास्थ उपचारका गर्ने भएको छ । गाउँका कुनै पनि मानिस आर्थिक अभावले उपचार नपाई अकालमा ज्यान गुमाउनु नपरोस भन्ने उदेश्यले सानो उपचार सहयोग पढाएको अमेरिका निवासी दिपेन्द्र दाहालले बताए ।
प्रवासमा ब्यावसाय र मुजदुरी गदै आएका नेपाली युवाहरुले नेपालमा रहेका गरिव, विपन्न र उपचार अभावमा रहेका गाउँलेलाई सहयोग गर्दै आएका छन । अमेरीकामा ट्याक्सी चलाउदै आएका दाहालको अग्रसमा धेरै विरामीले उपचार पाएका छन भने चार्डपर्वमा खर्च समेत उपलब्ध गराउदै आएका छन ।

















