उर्लावारी, ३ जेष्ठ/
मोरङको उर्लाबारी ३ मंगलबारेमा रहेको मंगलबारे अस्पतालमा (मदन भण्डारी ट्रमा सेन्टर ) कार्यरत डा. ब्रोमिस बुढाथोकी माथि स्थानीय युवा द्धारा हातपात भएको छ । विहिबार दिउसो २ बजे आफु डिउटिमा रहेको समयमा पिपुल राज गिरी, सुमन श्रेष्ठ र साने नाम गरेका युवाहरुले आफु माथी हातपात गरेको बताएका छन ।


डा. बुढाथोकीले आफु माथी हातपात भए पछि ईलाका प्रहरी कार्यलय उर्लाबारीमा निबेदन दिएका थिए । निबेदन दिए लगतै प्रहरीले तिनै जना युवाहरुलाई पक्राउ गरे पनि राजनिती दवावमा छोडेको डा. बुढाथोकीले बताएका छन । डा. बुढाथोकीका अनुसार उक्त युवाहरुले बिगत देखि नै युवा संघको नाममा दादागिरी देखाउदै आएको र उपचारमा संलग्न स्वास्थकर्मि माथी दवाव दिने गरेको बताएका छन ।

मंगलबारे अस्पतालमा डा. र स्थानीय युवा विच विबाद भएको र दुबै तर्फबाट उजुरी परेपछी छलफलको प्रकृर्यामा रहेको ईलाका प्रहरी कार्यलय उर्लाबारीका प्रहरी निरिक्षक देवेन्द्र दाशले बताए । सामान्य विवाद भएको र डा. बुढाथोकी पक्षाका मानिस चाडै फर्किएकाले भोली छलफल हुने दाशले जानकारी दिनु भयो ।
















