पथरी, २२ बैशाख ।
कान्छाराम कन्ट्रक्सनले सम्झौता अनुसार काम नगरेको भन्दै पीडित स्थानीय उपभोक्ताहरुले मनमोहन गान्धी मार्ग सडक पुनः बन्द गरेका छन् । मोरङको पथरी शनिश्चरे हुँदै दक्षिण भारत जोड्ने सडकको काम समयमै सम्पन्न नभएको भन्दै पथरीशनिश्चरे -९ को महेन्द्रचोकमा बन्द गरेका हुन । पटक पटक सडक बन्द हुने र निर्माण कम्पनी ठेकेदारले सहमति अनुसार काम गर्ने भन्दै झुकाउने गरेको स्थानीय विरेन गुरुङले बताउनु भयाे ।
शनिबार पथरी शनिश्चरे- ९ स्थित महेन्द्र चोकमा उपभोक्ताहरुले सडकमा होम्प पाइप, ढुङ्गाहरु र बाँसको ढाट लगाएर सडक अवरोध गरेका हुन् । पुर्न काम नथाले सम्म सडक नखोल्ने सडक संघर्ष समितिको सहसंयोजक सुमन वनेमले बताउनु भयाे । संघर्ष समितिले २०८० मंसीर १३ गने महेन्द्र चोक स्थित सडकमै पत्रकार सम्मेलन गरेर बन्द गरेको थियो । ३ दिन पछी निर्माण कम्पनी प्रतिनिधी दीपक थिङले ३ महिना भित्र काम सम्पन्न गर्ने सहमती गरेका थिए ।
पथरी शनिश्चरे नगरको भुटानी शरणार्थी शिविर मुख्य सडक दक्षिण रंगेलीसम्म २५ किलो मिटर लम्बाई र ६० फिट चौडाइको निर्माण हुने सडकको ठेक्का पूर्ण तामाङको कान्छाराम कन्स्ट्रक्सन कम्पनीले पारेको थियो । कान्छारामले १ करोड ९४ लाख ९४ हजारमा ठेक्का पारेको थियो । भै रहेको कालो पत्र उकाएर (पुरानो कालोपत्रे ) ग्राबेल गरि छोडेका कारण स्थानीयलाई बाटो आवत जावत गर्न समस्या भएको छ ।
निर्माण कम्पनी करिव दुई बर्ष देखि बाटो अलपत्र पारि छोडेको स्थानीयको भनाई छ । तर कान्छाराम कन्स्ट्रक्सनले काम नगरी सामान उठाएर लान खोज्दा २०८० फागुन २३ स्थानीयले कम्पनीको गाडी नियन्त्रणमा लिएका थिए । हिउँदमा धुलो र बर्षातमा हिलाम्मे हुँदै आएकोले सास्ती खेप्नुपरेको भन्दै सो सडकका उपभोक्ताहरुले बेलाबेला सडक बन्द गराएर आन्दोलनमा उत्रिदै आएका छन् । निर्माण कम्पनीको ढिलासुस्तिका कारण मनमोहन गान्धी सडकमा पर्ने मोरङ पथरी शनिश्चरेको वडा नं ६, ८, ४, ९ र १० का स्थानीयले सास्थी खेप्आदै आउनु परेको छ ।
आज स्थानीयले वीरेन्द्र गुरुङको संयोजकत्वमा १३ सदस्यीय संघर्ष समिति गठन गरेरै आन्दोलन गरेका थिए । सडक चाँडो निर्माण गर्न पटक पटक पहल गर्दा पनि सुनुवाइ नभएपछि सडक अवरुद्ध गर्न बाध्य भएको पीडित स्थानीयको भनाई छ ।