गोपाल काफ्ले/पथरी, १८ बैशाख,
मोरङको पथरी शनिश्चरे वडा नं. ९ महेन्द्र चोकमा मापदण्ड विपरित बाटो मिचेर बनाएको वाल भत्काएको छ । सर्वसाधारणले हिनडुल गर्दै आएकोबाटो पेट्रोल पम्प निमार्ण गर्ने भन्दै बन्द गरिएको थियो । यता प्रमुख प्रशासकिय अधिकृत शशि राई भने वडाको गरेको सर्जमिनको आधारमा र सर्जिवन मुचुल्का सबैको आधारमा प्रकृया अघिबढेको बताउनु भयो । जहाँ सम्म आफुले सिफारिस नगरेको उहाँको भनाई छ ।

पम्प निमार्णका लागि नगरले नै नक्सामा र फिल्डमा भएको बाटो छैन भनि सिफारिस दिएको वडा नं. ९ का वडाध्यक्ष विरबहादुर राईले बताउनु भयो । नगर, सडक डिभिजन र आयल निगमको आखाँ छल्न बाटो छैन भन्दै बाटोमा पर्खाल लगाईएको थियो भने नगरका सरसफाईका कर्मचारी सुरेन्द्र कुमार राई र इन्जीनिय सन्तोष केसीले बाटो नभएको प्रमाणीत गरेका थिए ।
पथरी शनिश्चरेमा भर्खरै सुरु हुन लागेको पेट्रोल पम्पका विषयमा भने पथरी शनिश्चरे नगर प्रमुख मोहन तुम्बापो र नगर प्रबक्ता नविन कार्की आफुलाई कुनै जानकारी नरहेको बताउनु हुन्छ । यता संचालकले भने पेट्रोल पम्प संचालकले भने पम्प संचालनका लागि अनुमती र सिफारीस भने लिएको देखिदैन ।
पेट्रोल पम्प निर्माण सुरु भए संगै बाटो बन्द भए पछि स्थानीयले सास्थी बेहोर्दै आएका छन । भै रहेको बाटो नगर र पम्प संचालकले बाटो छैन भनि बन्द गरे पनि बाटो रहेको पथरी शनिश्चरे वडा नं. ९ का वडाध्यक्ष विरबहादुर राईले दावि छ । वडाध्यक्ष राईले भने “यो सब कर्मचारीको फटाई हो, सर्वसाधारणले आवत जावत गर्दै गरेको बाटो कसरी बन्द हुन्छ ? नगरको कुन कर्मचारीको आँखा फुट्यो र त्यहाँ बाटो देखेन ? वडाध्यक्षले हामी संग प्रतिप्रश्न गर्नु भएको छ ।
वडाध्यक्ष राईका अनुसार वडाले दुई बर्ष अघि उत्त बाटोको स्तर उन्नती गर्ने भन्दै दुई लाखमा ग्राभेल गरेको थियो । पम्प संचालनका लागि बाटो नभएको सिफारिस बनाउन कागजात आएको थियो, मैले सिफारिस नै जफत गरेर राखेको छु । म जनताको प्रतिनिधी हु भएको बाटो छैन भन्न सक्दीन वडाध्यक्ष राईले बताउनु भयो ।

सर्जमिन गर्न गएका नगरका योजना र वातावरण सरसफाई शाखाका फोहोेर मैला व्यवस्थापक साथै घर नक्साको जिम्मा पाएका सुरेन्द्र कुमार राईलाई बुझ्दा आफु यस विषयमा मिडियामा केहि नबोल्ने बताए । आफुले पम्प संचालकले ल्याएको नक्सा र सिफारिसका आधारमा सर्जमिन गरेको र यो अस्थाई अनुमती दिएको बताएका छन । राईले भने पम्प संचालकले बाटो हैन भनी बन्द गरेको र स्थानीयले कुनै गुनासो वा उजुरबाजुर नगरेका कारण प्रकृया अगाडी बढाएको बताए ।
स्थानीयले भने “यो पथरी शनिश्चरे नगरका कर्मचारी र जनप्रतिनिधीको फटाईका कारण बन्द भएको बताएका छन । सर्जमिन गर्न आएका कर्मचारीले आखँ अगाडी भएको बाटो नदेख्नु भनेको यहाँ केहि गडबढ भएको शंका गरेका छन । स्थानीय एक युवाले भने “पम्प संचालकले कर्मचारीलाई सेटिङ मिलाएर बाटो छैन भन्नी सिफारिस बनाएका छन । पैसा हुनेको राज रहेछ । यहाँ नगरका कर्मचारीहरु नै बाटो छैन भन्दै सर्जमिन गर्दै आएका थिए हामीले गरेनै तर कसरी मिलार ल्याए अहिले बाटो बन्द गरेका छन ।” स्थानीयले बताए ।
उत्त बाटो हुदै पथरी शनिश्चरे १० को धिमाल ग्रामथान हुदै डाँस खोला आवत जावत गर्ने सरल बाटो हो । स्थानीयको अनुसार १० बर्ष अघि पम्प संचालकले नै उत्त बाटो खोली प्लटीङ गरेका थिए । पेट्रोल पम्प पथरी शनिश्चरे ९ का रणबहादुर गुरुङले संचालन गर्न लागेका हुन । जग्गा धनी गुरुङले हाल पम्प संचालन गर्नका लागि आवश्यक संरचना निमार्ण गदै आएको छ । गुरुङले पम्प संचालन गर्न जग्गा संगै टासिएको दक्षिण पटिको बाटोमा पर्खाल लगाएर छेकोका थिए । तर साइनोखवर डटकममा समाचार आए संगै पर्खाल भत्काएको छ तर बाटो भने खुल्ला छैन ।
पम्प संचालन हुने एरियाको उत्तर रेल मार्ग र सरकारी बाटो रहेको छ भने दक्षिण पटि पम्प संगै बाटो रहेको छ । उत्त क्षेत्र पम्पका लागि अपुग भए संगै बाटो मिचिएको स्थानीयको भनाई छ । तर नक्सामा भने फरक देखिएको छ । नक्सामा दक्षिण पटि पम्प र बाटोको बिचमा कित्ता नम्वर ४०३ को लक्ष्मि गुरुङको कित्ता रहेको देखिन्छ ।
यता पम्प निमार्ण कार्यको जिम्मेवारी लिएका डिल्ली भट्टराईले भने सबै जग्गा आफ्नै रहेको र सडक डिभिजन र आयल निगम संग अनुमती लिनका लागि मात्र बाटो बन्द गरेको बताए । उनले भने पम्प संचालन भए संगै बाटो पनि खुल् लने बताएका छन ।
















