दमक/ इन्टरनेट सेवा प्रदायक कम्पनी वर्ल्डलिंकले आफ्ना कर्मचारीहरुलाई लक्षित गरेर कार्यस्थलमा हुने जोखिमलाई न्यूनिकरण गर्न एक दिने सडक सुरक्षा सतर्कता गोष्ठि आयोजना गरेको छ । कर्मचारीको जिवनको सुरक्षालाई मध्यनजर गर्दै र कर्मचारीमा जोखिम न्यूनिकरण बारे चेतना जगाउने उदेश्यले दमकमा शाखाले एक दिने गोष्ठि आयोजना गरेको कोशी प्रदेश जनसम्पर्क अधिकृत राजन तिम्सिनाले बताउनु भयो ।

गोष्ठीबाट कर्मचारीहरुमा बिधुत पोलहरुमा तार तथा सडकमा फाइबरको काम गर्दा कसरी सुरक्षा अपनाउने भन्ने बिषयमा जानकारी गराइएको थियो । दुई सिफ्टमा भएको गोष्ठिमा आफ्ना कर्मचारीहरुलाई कार्यस्थल अर्थात सडकमा नै जानकारी गराएको हो ।
दुर्घटनाको जोखिम न्यूनिकरणका लागि अपनाउनु पर्ने सावधानी र गर्नु पर्ने कामको बिषयमा आफ्ना बिभिन्न शाखा कार्यालयका कर्मचारीहरुलाई यस प्रकारको सचेतना दिईएको वल्र्डलिंकका कोशी प्रदेश जनसम्पर्क अधिकृत तिम्सिनाको भनाई छ ।
कार्यस्थलमा नै यस प्रकारको कार्यक्रम गर्दा हामीमा जोखिमबारे सहज रुपमा बुझिने एक कर्मचारीले बताए । यस्ता खाल्का गोष्ठिबाट आफ्नो सुरक्षा आफ्नै हातमा हुन्छ भन्ने अनुभुत हामी कर्मचारीहरुमा जागेको कर्मचारीहरुको भनाई छ।

















