साइनो समाचारदाता/ पथरी, २० चैत, मोरङ पथरी शनिश्चरे २ मा रहेको हरियाली कम्पनी समिति बिहिन भएको छ । हरियाली कम्पनी र हरियाली सामुदायीक बन उपभोत्ता समुह बिचको बिबादका कारण अध्यक्ष अशोक कुमार राई सहित २ सदस्यले राजिनामा दिएका छन ।

हरियाली सामुदायीक बनको पहलमा हरियाली पब्लिक कम्पनी खोली बन क्षेत्रमा पर्यटकिय स्थल निर्माण गर्ने भन्दै ८ सय ६१ सेयर सदस्य बनाई १० हजार देखि २ लाख सम्म रकम उठाएको छ । काम गर्ने बातावरण नदिए पछि कम्पनीबाट अध्यक्ष सहित कम्पनीबाट सदस्य गणेशकुमार राई र प्रलाहदकुमार चौहानले समेत राजिनामा दिनु भएकाे छ । कम्पनीमा हरियाली सामुदायीक बनबाट ४ जना र सेयर सदस्य (उपभोत्ता पब्लिक) बाट २ जना चयन गरि समिति बन्ने नियम रहेको छ ।
हरियाली कम्पनीका अध्यक्ष अशोक कुमार राई र हरियाली सामुदायीक बन उपभोत्ता समुहका अध्यक्ष काबुल बहादुर मगरको आन्तरिक बिबालका कारण उपभोत्ताको रकम डुब्न अवस्था देखिएको छ । हरियाली सामुदायीक बन उपभोत्ता समुहले आफु मातहतका ३ जना सेयर सदस्य रोहित बास्तोला, रिता गिरि र चन्द्रकला गुरुङलाई फिर्ता बोलाई अवरोध गरेको कारण राजिनामा दिएको अध्यक्ष राईको भनाई छ । हरियाली कम्पनीमा हरियाली सामुदायीक बन उपभोत्ता समुहको हावी भएकाे कारण राजिनामा दिएको बताउनु भयो ।

बैशाख १५ मा पार्क उद्घाटन गर्ने तयारी रहेको कम्पनीमा हरियाली सामुदायीक बनले काम गर्ने बातावरण नदिएकाे र हरियाली सामुदायीक बन हावी भएका कारण आफुले राजिनामा दिएको अध्यक्ष अशाेक कुमार राईले बताउनु भयो । कम्पनीमा सेयर सदस्यले हालेको लाखौ रकमको जवाफ देहिता आफुमा आएको र हरियाली सामुदायीक बनका अध्यक्ष काबुल बहादुर मगर पटक पटक समस्या दिएको उहाँको भनाई छ ।
अध्यक्ष अशाेक कुमार राईले सार्वजनीक गरेको राजिनामा पत्रमा हरियाली बनका अध्यक्ष काबुल बहादुर मगरलाई लक्षित गर्दै लेख्नु भएको छ हरियाली सामुदायिक वन उपभोक्ता समुहका अध्यक्ष स्वयमलेनै यो कम्पनीले केहि गरेन, कसले शेयर हाल्छर ? मैं हाल भन्दिन भनी अफवाह फैल्याउँने गैर जिम्मेवारी हरकतमा उत्रिनुभएको वेला प्रतिवादमा मैंले ए अध्यक्षज्यु मँ अध्यक्ष भएलगतै निरन्तरताको अथक प्रयास पश्चात संघिय बजेट रु. ४१६,०००,०००/- (अक्षरेपी चार करोड सोह लाख ) भित्रयाएर तपाइको आँखा सोभै निर्माणको कार्य देखिरहनु भएको छ त भन्दा रिसाएर यो काम सव ठेकेदारले गरेको हो भनेर प्रतिउत्तर दिनुहुन्थ्यो ।
राजिनामा पत्रमा हरियाली सा. व. उ. समुहले कम्पनीमा जम्मा भएको शेयर रकम समेत बैंकको व्याज व्यहोर्नेगरी किस्ता किस्तामा चलाएको रकमको आंशिक व्याज मात्र रु.३३२,१३१.६६ /- (अक्षरेपी तीन लाख बत्तीस हजार एक सय एक्तीस रुपैंया छैसठी पैसा ) हुन जान्छ तर उक्त व्याज रकम समेत कम्पनीलाई थाहै नदिई एकतर्फी हरियाली सा. व. उ. समुहले निर्णय गरी पूर्व सम्झौता अनुसार निर्व्याजी सावाँ रकम मात्र धरौटीमा कायम गर्न र अडिट हिसाबमा सोहि बमोजिम हिसाव राख्न बाध्य पार्ने हुकुमी शैली प्रयोग गरि कम्पनीलाई अप्ठ्यारो अवस्था सृजना गरेको उल्लेख छ ।
अध्यक्ष राईले श्री हरियाली सा. व. उ. समुह र कम्पनीमा धेरै उपभोत्ताको श्रम पसिना र ठुलो रकम रहेको र उत्त श्रम पसिना र रकम डुब्नु हुदैन भन्ने हेतुले मार्ग प्रसस्त गर्ने श्री हरियाली सामुदायिक वन लिमिटेडको अध्यक्ष पद र प्रतिनिधि समेत नरहने गरि राजिनामा पेश गरेको बताउनु भयो ।
यता हरियाली सामुदायीक बनका अध्यक्षा काबुल बहादुर मगरले आफु माथि आरोप लगाएको र वन र कम्पनी फरक रहेको बताउदै निती र विधी सम्वत सामुदायीक बन अघाडी बढेको बताउनु भयो ।
















