साइनो समाचारदाता/पथरी ४ चैत्र,
मोरङ पथरी शनिश्चरे १० मा मोटरसाइकलको ठक्करबाट एक जनाको मृत्यू भएको छ । मृत्यू हुनेमा पथरी शनिश्चरे १० का ५४ बर्षीय प्रेमबहादुर चौहानको रहेका छन । उनलाई उपचारका लागि विराटनगर लैजाने क्रमम मृत्यू भएको हो ।
चैत्र ३ गते शनिवार साझ ६ः२० बजेको समयमा पश्चिमबाट पुर्वतर्फ आउदै गरेको प्रं. १–०२–०५२ प. २२१७ नं. को मोटर साईकलले ठक्कर दिएको थियो । चालक र मोटरसाईकल ईलाका प्रहरी कार्यलय पथरीको नियन्त्रणमा रहेको छ । मोटरसाईकल चालक पथरी शनिश्चरे १ निवासी किरण घिमिरे (कृष्ण) लाई प्रहरीले नियन्त्रणमा लिई अनुसन्धान भैरहेको इलाका प्रहरी प्रमुख प्रहरी नायव उपरीक्षक गणेश श्रेष्ठले जानकारी दिनु भयो ।
चौहान पथरी बजारबाट सब्जी किनी घर फर्कने क्रममा मोटर साईकल दुर्घटनामा परेका थिए । पथरी खोला छेउमै चौहानलाई पश्चिम विराटनगरबाट पुर्व पथरी शनिश्चरे तर्फ आउदै क्रममो मोटर साईकलले ठक्कर दिएको थियो ।

















