साइनो समाचारदाता/पथरी, २२ फागुन
मोरङको पथरी शनिश्चरे ७ लामाटोलीमा एक किशोरीको हत्या भएको छ । खोटाङ घर भएकी १५ बर्षीय ज्ञानकुमारी राई (संजना) को अज्ञात ब्याक्तीले धारिलो हतियार प्रयोग गरि हत्या भएको अवस्थामा दाई विमल राईले शव फेला परेको स्थानियले बताए ।
खोटाङ घर भएकी किशोरी ३/४ बर्ष अघि देखि मामा घरमा बसेर पढ्दै गरेकी स्थानियले बताए । राईको फागुन २१ गते रातको १० बजे पछि हत्या भएको थियो । राति ट्वाईलेट जाने क्रममा उनको हत्या हुन सक्ने स्थानियले अनुमान गरेका छन । उक्त दिन छिमेकमा रातिको बिबाह रहको थियो ।
संजना होटल संचालन गरदै आएका मामाका छोरा विमल र उनकी श्रीमति संग बस्दै आएकी थिन । उनि पथरी शनिश्चरे १ स्थित पञ्चायत मा वि कक्षा ७ मा अध्यान गर्ने छात्रा हुन । खान पिन गरि सुति सकेको समयमा ठुलो आवाज आई हेर्न जादा बहिनीलाई कसैले धारीलो हतियार प्रयोग गरि भागेको अवस्थामा दाजु विमल र भाउजुले फेलापारेको बताए ।
घटना लगतै विमलले स्थानियको सहयोगमा प्रहरीलाई खवर गरेका थिए । घटना घटेको केहि समयमै घटना स्थललाई ईलाका प्रहरी कार्यलय पथरीले नियन्त्रणमा लिई सकेको छ । प्रहरीले प्रारम्भिक अनुसन्धान सुरु गरि सकेको छ । घटन स्थलमा जिल्लाबाट एस्पी सहितको टोलिले अनुसन्धान सुरु गरि सकेको छ । घटना स्थलमा कुकुर प्रयोग गरिए पनि रातको १ बजि सकेको कारण थप अनुसन्धान मंगलबारबाट हुने जिल्ला प्रहरी कार्यलय मोरङका एस पि नवराज कार्कीले जानकारी दिनु भयो ।
![](https://i0.wp.com/www.sainokhabar.com/wp-content/uploads/2024/03/unnamed-3-scaled.jpg?resize=640%2C480&ssl=1)