साइनो समाचारदात/ पथरी, मोरङको पथरीशनिश्चरेमा राष्ट्रिय स्वतन्त्र पाटीको नगर समिति गठन भएको छ । मोरङको पथरीशनिश्चरेमा विगत १ वर्ष देखि वडा समिति गठन गर्ने र नगरमा अन्य विभिन्न कामहरु गरिरहेको भएता पनि नगर समिति भने गठन भएको थिएन ।

शनिवार बसेको नगर भेलाले कमलराज कार्कीको सभापतित्वमा ११ सदसीय नगर कार्यसमिति सर्वसहमत चयन गरेको हो । समितिको उपसभापतिमा गीता लिम्बु , सचिवमा तुलसी बस्नेत, कोषाध्यक्षमा लिला निरौला र सदस्यहरुमा ओम नेपाल, रमेश खत्रि, संजिव दर्जी, पदम बहादुर भुजेल र सुर्यमान तामाङ रहेका छन । भेलाले नगर कार्यसमिति सर्वसहमत चयन गरेको हो ।
समितिले नगरका १० वटै वडामा विधान बमोजिम अधिवेशन गरी नगर अधिवेशनको तयारी गर्ने छ । कार्यक्रममा कोशी प्रदेश सभापति तथा केन्द्रीय सदस्य राजेश तिम्सिना, प्रदेश सदस्य तथा मोरङ सभापति यादव कुमार प्रधान, प्रदेश सदस्यहरु प्रमलाल चौधरी, केदारनाथ आचार्य, ठगेन्द्र न्यौपाने लगायतको उपस्थिती रहेको थियो ।
















