साइनो समाचारदाता/ पथरी, १५ माघ
लेटाङ नगरपालिका वडा नं. ३ की नेप्टी दर्जीले ७५ बर्षको उमेरमा नागरिक्ता प्राप्त गर्नुभएको छ । घर परिवार विहिन दर्जीको अहिले सम्म आफन्त कोही नभएका कारण नागरिता विहिन हुनुपरेको थियो ।

दर्जीले लेटाङ नगरपालिका वडा नं. ३ का वडा अध्यक्ष डम्बर वहादुर राईको पहलमा नागरिक्ता प्राप्त गर्नु भएको हो । बोल्न, सुन्ने नसक्ने दर्जी शारिरिक रुपमा समेत अशक्त रहनुभएको छ । नेप्टी दर्जीले नागरिक्ताबाट बन्चित हुँदा राज्यवाट पाउने सेवा सुविधावाट समेत बन्चित हुनुपरेको थियो ।
दर्जी चार दशक अघि देखी लेटाङ नगरपालीका बजार आसपास बेसाहारा भै हिनडुल गर्दै आउनु भएको छ । दर्जीको नागरिक्तामा सनाखत गर्ने कोहि नभएकाले उहाँ नागरिक्ता पाउन बन्चित हुनु भएको थियो । उहाँको नागरिक्तामा लेटाङ नगरपालिका वडा नं. ३ का वडा अध्यक्ष डम्बर वहादुर राईले सनाखत गर्नु भएको छ । एक साहारा विहिन आमालाई नागरिकता दिलाई वडाध्यक्ष डम्बर वहादुर राईले सिङगो लेटाङ नगरपालिकाको इज्जत बढाउन सफल भएको नगर प्रमुख भुपेन्द्र कुमार लावतीले बताउनु भयो ।

वडाध्यक्ष राईले मोरङका प्रमुख जिल्ला अधिकारीको सल्लाहा अनुसार नेप्टी दर्जीको संरक्षक भै नागरिक्ता दिलाउन सफल भएको बताउनु भयो । दर्जीलाई आज सोमबमर मोरङका सहकायक प्रमुख जिल्ला अधिकारी प्रदिप शाहाले लेटाङ नगरपालिकाको परिसरमा आई नागरिक्ता हस्तान्तरण गर्नु भएको हो ।
नागरिक्ता हस्तान्तरण गर्दै सहायक प्रमुख जिल्ला अधिकारी साहाले नेपालको संविधान २०७२ ले दिएको अधिकारका आधारमा नेप्टी दर्जीलाई नागरिक्ता दिईएको र यसलाइ नयाँ संविधानको उपलब्धीको रुपमा लिन सकिने बताउनुभयो । अव नेप्टी दर्जीले राज्यले दिने सेवा सुविधा पाउनुहुने भएको छ ।
















