साइनो समाचारदाता/ पथरी, १२ मंसिर
मोरङको पथरी शनिश्चरे नगरपालिकामा पर्ने मनमोहन गान्धि मार्ग स्थानियले बन्द गरेका छन । ३ बर्षमा काम सम्पन्न गर्ने गरि कान्छाराम कन्ट्रक्सनले कामको जिम्म लिए पनि बाटो अझै अलपत्र अवस्तथामा छ । २०७६ कार्तिकमा काम गर्ने संझैला गरेको कान्छाराम कन्ट्रक्सनले २०८० कार्तिकमा म्याद थप गरे पनि काम अझै सुरु भएको छैन । १ अर्व ५५ करोड ७३ लाखमा ठेक्का लिएको ठेक्केदार कम्पनीले काम छोडि बेपत्ता भए पछि पथरी शनिश्चरेको ३ स्थानमा स्थानियले ढाड लगाएर बन्द गरेका छन ।

पथरी शनिश्चरे वडा नं. ४, ८ र ९ ले कार्तिक २१ गते तत्काल काम सुरु नगरे बाटो बन्द गर्ने भन्दै ध्यानाकर्षण पत्र निकालेका थिए । वडाध्यक्ष लोक किरण न्यौपाने, नविन कार्की र विरबहादुर राईले कान्छाराम कन्ट्रक्सनले काममा ठिला सुस्ति गरेको भन्दै दवाव दिदै आएका छन । त्यसको २१ दिनमा आज मनमोहन गान्धी मार्गमा स्थानियले ढाट लागाएर बाटोमा अवरोध गरेका छन ।
पथरी शनिश्चरे नगरपालिका, सुनवर्शी नगरपालिका, रंगेली नगरपालीका हुदै भारतको बोडर छुने ३० किलोमिटरको उत्तबाटो लामो समय देखि अलपत्र हुदै आएको छ । छदाछदैको कालोपत्र उकाएर अलपत्र पारेको बाटाका कारण स्थानियले लामो समय देखि हिलो, घुलो र खाल्डा खुल्डिको समस्या भोग्दै आएका छन ।

बाटो निर्माण कार्य सुरु नभए सम्म बाटो नखोल्ने भन्दै स्थानियले बाटैमा धर्ना दिएका छन । बन्द कर्ता र प्रहरी बिच छलफल भए पनि स्थानिय सरकारले बाटो खोल्न चासो दिएको छैन । यता बाटो निर्माणका क्रममा ड्रेन निर्माणको जिम्मा पाएका पेटि ठेक्दारले समेत रकम पाएका छैन्न । कान्छाराम कन्ट्रक्सनले भने हाल सम्म करिव २७ करोड रकम लगि सकेको हुलाकी राजमार्ग निर्देशानलय ईटहरीले बताएको छ ।
















