साइनो समाचारदाता, ९ मंसिर/ लागु औंषध तथा दुर्वेशनी नियन्त्रण गर्न मोरङ पथरी शनिश्चरे वडा नं. १० जिरिखिम्तीका स्थानिय बासिन्दा एक भएका छन । पछिल्लो समय उक्त क्षेत्रमा लागु औंषध तथा दुर्वेशनी बढ्दै गएको छ । स्थानिय युवाहरुको पहलमा डाँस मोरङ्गी सामुदायीक वन र ईलाका प्रहरी कार्यलय पथरीको सहजिकरणमा लागु औंषध तथा दुर्वेशनी मुक्ता क्षेत्रका लागि पहल थालिएको छ ।
शनिवार पथरी शनिश्चरे १० मा रहेको डाँस मोरङ्गी सामुदायीक वनको परिसरमा महिला र युवाहरु भेला भई जिरिखिम्तिलाई दुर्वेशनी मुत्त गाँउ बनाउन एक जुट भएका छन । समाज सुधार अभियानमा निस्केका महिला र युवाहरुलाई डाँस मोरङ्गी सामुदायीक वन र ईलाका प्रहरी कार्यलय पथरीले सहजिकरण गरेको छ । पथरी शनिश्चरे १० जिरिखिम्तिमा आउदा दिनमा स्थानिय, प्रहरी र बनको सहकार्यमा निग्रानी बढाई लागुपदार्थलाई प्रतिबन्ध गर्ने प्रतिबद्धता भएको छ ।
समुदायका युवाहरु लागु औंषध तथा दुर्वेशनी कारण समाजमा डर त्रास छाएको र रातको समयमा असुरक्षीत भएकाे डाँस मोरङ सामुदायीक वनका अध्यक्ष मदन पोख्रेलले बताउनु भयाे । समुदायको मुख्य मेरुद्धड भनेका युवाहरु लागु औंषध तथा दुर्वेशनीमा लाग्नाले गाँउको भविश्य अन्धकार भएको र आउने नयाँ पिडिले समेत त्यसको सिकार बन्नु परेको पोख्रेलले बताउनु भयो ।
लागु औंषध तथा दुर्वेशनी कारण समाजमा चोरी चकारी जस्ता कार्य बढ्दै गएका कारण गाँउका आमा समुह, युवा र सामुदायीक वन गाँउको निग्रानी गर्न अग्रसर भएको छ । दुई खोला बिचको सानु गाँउका महिलाहरुले लागु औंषध तथा दुर्वेशनीका कारण गाँउनै असुरक्षीत भएको महसुस गरेका छन । समाजलाई विकासको दिसामा फड्को मार्न र लागु औंषध तथा दुर्वेशनी नियन्त्रण गर्न युवा र महिला, आमाहरु ठुलो संख्यामा भेला भएका थिए ।
उत्त भेलालाई सहजिकरण गर्दै ईलाका प्रहरी कार्यलय पथरीका निरिक्षक सुशिल कुमार पाण्डेले लागु औंषध तथा दुर्वेशनीबाट समाज, घर परिवार र मानव जिवनमा हुने असर र त्यसबाट सचेत रहन समुदाय र प्रहरीले खेल्नु पर्ने भुमिकाका बारेमा सहजिकरण गर्नु भएको थियो । समाजमा लागु औंषध तथा दुर्वेशनीका कुनै पनि गतिविधी भए प्रहरीलाई सुचना दिई सहयोग गर्न र यस्ता कार्यमा समुदायबाटै पहल भए समस्या समाधान हुने निरिक्षाक पाण्डेले बताउनु भयो । केहि दिन अघि स्थानिय समुदायले लागुपदार्थ दुर्वेशनीमा लागेका किशोर किशोरीहरुलाई लागुपदार्थ सहित पक्राउ गरि कुटपिट गरि सार्वजनीक गरेका थिए । डाँस मोरङ सामुदायीक वनको भेलामा छिमेको गाँउको समेत सहभागिता रहेको थियो ।
