गोपाल काफ्ले/पथरी, १४ कार्तिक
मोरङको पथरी शनिश्चरे नगरमा कर्वडहल नभएका कारण ब्याडमिन्टन खेलाडीहरु विश्व खाद्य कार्यक्रम (डब्लु एफ पी) को पुरानो गोदाममा खेल खेल्न बाध्य भएका छन । भुटानी शरणथी शिविर क्यामका शरणाथीहरु तेस्रो मुलुक पुर्नवास भए संगै खालि रहेको रासन गोदामलाई खेलाडीहरुले कर्वडहलका रुपमा प्रयोग गर्दै आएका छन ।
नगरमा कर्वडहलको आवस्यक्ता रहेको तर नगरले बेवस्था गरेका कारण खाद्यय गोदाममा खेल खेल्न बाध्य भएको खेलाडी छवि घिमिरे बताउछन । दातृराष्ट्र विश्व खाद्य कार्यक्रम (डब्लुएफपी) ले फलाम र विदेशी तिर्पालबाट ठुलो रासन गोदाम निर्माण गरेको थियो । भूटानी शरणार्थी शिविरका जनता तेस्रो मुलुक प्रस्तान गरे संगै रासन बढ्ने कार्य बन्द रहेको थियो । उत्त हल छाडे पछि खालि भएको गोदाम ब्याडमिन्टन खेलाडीहरु खेल खेल्दै आएका छन ।
उत्त गोदाम पनि सबै तिर च्यातिएको र कपडा प्लास्टिकले टालेको छ । खेलाडी आफैले पैसा कलेक्सन गरि विजुली बत्तीको ब्यावस्था मिलाएका छन । नगरको मापदण्ड अनुसार एक पालिका एक कर्वडहल सहितको खेलमैदान हुनु पर्ने हो । तर पथरी शनिश्चरे नगरमा हाल सम्म कर्वडहल निर्माण गर्न सकेको छैन ।
नगरलाई ब्याडमिन्टनका माध्यबाट जिल्ला प्रदेशमा चिनाउदै आएका सनम मगर, श्री प्रसाद लिम्बु, रंजित पोमु, सुमन लिम्बु, सुमन राई, बादल गुरुङ जस्ता खेलाडीहरु कर्वडहल नभएकै कारण पछी परेका छन । यता नगरमा फुटवल, भलिवल, क्रिकेट, तेक्वान्दो, कराते, ब्याडमिन्टन जस्ता खेल खेल्ने खेलाडी समेत हल र मैदानको अभावमा रहेको बताउछन ।
मानिस स्वास्थ रहनको लागि खेल एक महत्वपुर्ण पाटो हो । तर नगरपालिकाले खेलकुदमा चासो नदिएका कारण पथरीशनिश्चरे नगरबाट कुनै पनि खेलकुद कार्यक्रम हुन सकेको छैन । त्यसमा पनि खेलमैदान, कर्वडहल र खेलकुद कार्यक्रम नभएका कारण खेलाडीहरु खेल खेल्नबाट बन्चीत हुदै आएका छन ।
नगरमा सुरक्षीत कवर्ड हल नभएका कारण पथरी शनिश्चरे नगरमा व्याडमिन्टन खेलाडीहरु छिमेकी पालिका धाउनु परेको खेलाडी सुमन कुरुङवाङ बताउछन । ब्याडमिन्टन इन्डोर खेल भएका कारण कर्वडहल भए घामपानी, हावाहरी जस्तो सुकै समयमा पनि यो खेल्न सकिने खेल हो । यस खेलका लागि हावा हुरी र पानी बाधक हो ।
नगरले खेल प्रति देखाएको उदाशीन्ताका कारण खेलाडीहरु विदेशीन थालेका छन । नगरबाट फुटवल खेल्दै आएको विष्णु तामाङ, विशाल पाण्डे, समिर धिमाल, रोजन सिवाकोटी, कृष्ण राई जस्ता खेलाडीहरु विदेशिएका छन । नगरले खेलकुदमा चासो नदिएका कारण र भविष्य नदेखीएका कारण खेलाडी विदेशीन बाध्य हुनु परेको खेलाडी विशाल पाण्डे बताउछन ।