साइनो समाचारदाता/ पथरी, १३ कार्तिक
मोरङको पथरी शनिश्चरेमा जारी चौथो पथरी शनिश्चरे प्रिमियर लिग २०८० को पाचौं र छैठौं खेलमा रोयल किङ्ग र गोर्खा लिजेण्डले अपराजित यात्रा कायम राखेको छन । सोमवार दुवै टोलीले जित दर्ता गर्दा क्लासिक इलाभेन हसहन्द र वुद्ध युनाइटेड निरास बने ।
पहिलो खेलमा रोयलले हसन्दहलाई र दोस्रो खेलमा गोर्खा लिजेण्डले बुद्ध युनाइटेडलाई पराजित गरेको छ । जितसँगै रोयल किङ र गोर्खा लिजेण्डले लिगमा सम्मान ४/४ अंक बनाएको छ । पराजित हसन्दहले २ खेलमा २ अंक जोडेको छ भने पहिलो खेल हारेको वुद्ध युनाइटेड अंक विहिन रहेको छ । पहिलो खेलमा रोयलले हसन्दह माथि २२ रनको जित निकालेको हो । रोयलले दिएको १३२ रनको लक्ष्य पछ्याएको हसन्दहले १६ ओभर ५ बलमा सम्पूर्ण विकेट गुमाउँदै ११० रन बनाएको थियो ।
हसन्दहका लागि अनुप श्रेष्ठले सर्वाधिकर ४६ रनको योगदान गरे । त्यस्तै दिपक पासवानले २६ रन बनाउन बाहेक अन्य ब्याष्टमेन चल्न सकेन्न । बलिङ तर्फ रोयलका दिवस राजबंशी र राज बस्नेतले समान ३/३ बिकेट लिए । त्यस्तै रोबर्ट राईले दुई विकेट लिँदा दुइ ब्याटमेन रन आउट भए । यस अघि टस जितेर ब्याटिङ गरेको रोयलले निर्धारित २० ओभरमा ९ विकेट गुमाउँदै १३१ रन बनाएको थियो ।
रोयलका लागि रोबर्ट राई र महेश कार्कीले समान ३० रनको योगदान गरे । त्यस्तै राज बस्नेतले २४ रन बनाए । यता हसहन्दका लागि दिपक पासवानले ४ बिकेट लिए । त्यस्तै बुद्ध आले मगर र अनुप श्रेष्ठले समान दुई बिकेट लिँदा बिजय राउतले एक विकेट लिएका थिए ।
दोस्रो खेलमा गोर्खाले बुद्धमाथि ६७ रनको जित निकालेको छ । गोर्खाले दिएको १६३ रनको लक्ष्य पछ्याएको वुद्धले १७ ओभर ५ वलमा ९६ रनमा समेटियो । बुद्धलाई सस्तैमा समेटन गोर्खाका कुमार खडकाले ५ विकेट लिए ।
बुद्धका लागि सतिस यादबले सर्वाधिकर २७ रनको योगदान गरे । त्यस्तै भुपेन राईले २१ रन बनाउन बाहेक अन्य ब्याष्टमेनले दोहोरो अंकको रन जोडन सकेनन् । बलिङ तर्फ गोर्खाका फडिन्द्र पौडेलले २ विकेट लिदा ज्ञानु श्रेष्ठ र आभाष पाहिमले एक एक विकेट लिए । यसअघि टस हारेर ब्याटिङको निम्तो पाएको गोर्खाले निर्धारित २० ओभरमा ७ विकेट गुमाएर १६३ रनको सम्माजनक योगफल बनाएको थियो ।
गोर्खाका लागि कुमार खडकाले ४५ रनको योगदान दिए भने योगेश श्रेष्ठले २५,समित राईले १७ र ज्ञानु श्रेष्ठले १८ रनको योगदान गरे । यता बुद्धका लागि समिर कार्कीले ३ बिकेट लिए । त्यस्तै भुपेन राईले २ र सतिस यादव,द्रोर्ण जंग वस्नेत र रोहन गहतराजले समान एक विकेट लिए । आजको जितसँगै गोर्खाले लिगमा ४ अंक बनाएको छ । खेलको म्यान अफ द म्याच र म्याक्सीमम सिक्स हिटर गोर्खाका कुमार खडकाले घोषित भए ।
मंगलवार लिगका दुई खेल हुनेछन । सातै खेल सातवाघ र आइतवारे अस्त्रका विच हुने छ भने आठौ खेल विरेन्द्रनगर र बुद्ध युनाइटेड विच हुने छ । प्रतियोगीताको विजेताले १ लाख ३१ हजार रुपयाँ र ट्रफि प्राप्त गर्ने छ भने उपविजेताले ७१ हजार १ सय ११ रुपयाँ प्राप्त गर्ने छ ।
थरी शनिश्चरे प्रिमियर लिग कमिटिको आयोजनामा भएको प्रतियोगिगामा ७ वटा फ्रन्चाईज टिमको सहभागिता रहेको छ । पथरी शनिश्चरे १ को प्रस्तावित रंगशालामा जारी प्रतियोगिताको मुख्य सहयोग पथरी शनिश्चरे नगरपालिकाले गरेको छ ।