रबिन्द्र बराल/ रंगेली, असोज २४ बुधबार
मोरङको रंगेली नगरपालिका ८ स्थित फर्सडागी चोकका लाल बहादुर चौधरीले आफ्नो १६ बर्षका छोरालाई बचाई दिनका अनुरोधगरेका छन । उनका १६ बर्षका छोरा राकेश चौधरी ४ बर्षको उमेर देखि आर्थिक अभावमा उपचारबाट बन्चित भएका छन ।

यतिबेला उनि मुटुमा प्वाल परेका कारण ओछ्यानमा छटपटाई रहेका छन । ४ बर्षको उमेर देखि शरिरमा घाउको चोट लिएर बाँचेकाराकेशलाई बचाउन उनका बाबुले नेपाली दाजुभाइहरु संग हारगुहार गरिरहेका छन । २०६८ सालमा सामान्य स्वासप्रस्वासमा समस्या हुनथालेपछि गाउँ घरमै घरायसी उपचार गराए । घरायसी र अस्पतामा उपचार गराई ओैषधि सेवन गर्दा समेत शरिरमा कुनै परिवर्तन भएन ।आर्थिक अभावका कारण राम्रो उपचार गर्न नसकेका चौधरी २०७३ सालमा काठमाडौ स्थित शहिद गागांलाल हृदयाघात अस्पतालमाउपचारका लागि पुगे । त्यहाँ डाक्टरहरुको सल्लाह अनुसार छोराको भिडियो एक्सरे गरेपछि छोराको मुटुमा प्वाल परेको थाहा पाए । उत्तरिपोर्टले चौधरीलाई छाङबाट झरेझै बनायो । उनले छोराको उपचारका लागि घरमा पालिरहेको गाई, बाख्र र श्रीमती चन्दा देविको सुनचाँदी समेत सके ।

जति उपचार गरे पनि रोग निको हुन नसकेको बुवा लाल बहादुरले बताए । बिगत १२ बर्ष देखि छोराको रोग निको हुन्छ कि भनेर दाजुभाइर आफ्नतहरु संग सर सापटी गरे । १५ लाख रुपयाँ ऋण गरि उपचार गरे पनि रोग भने निको नभएर राकेश ओछ्यानमा छटपटाई रहेकाछन । घरको आर्थिक अवस्था दैनिय बन्दै गएपछि छोराको रोग निको हुन सकेको छैन ।
नगरपालिकाले उपचार गर्न भन्दै एक पल्ट ५ हजार रुपैयाँ सहयोग गरेको बुवा लालबहादुर रुदै बताउछन । लालबहादुर ओैषधी समेतखुवानका नसके पछि गाउँ घरमा चन्दा संकलन गर्न थालेका छन । अब चन्दा माग गर्ने कुनै ठाउँ छैन आफू संग भएको सबै सक्यो अबकसरी छोरालाई दवाई किनेर खुवाउनु भन्दै रुन थालेका छन । देश बिदेशमा रहेका नेपाली दाजुभाइले सहयोग गरे छोरा बाच्ने सानोआश बोकेका छन ।अहिले छोराको मासिक रुपमा चेक जाँच र ओैषधीको लागि मात्र १० हजार रुपैयाँ खर्च हुने गरेको उनले बताए ।
कक्षा ५ मा पढ्दै गर्दा रोगले च्यापे पछि अध्यनलाई समेत अगाडि बडाउन सकेका छैन्न ।
उपचारको अभावमा ओछ्यानमा रातदिन छटपटाई रहेका चौधरीलाई सहयोग गर्न बाबु लालबहादुर चौधरीले रंगेलीमा रहेको लुम्विनीबैंकमा खाता खोलेका छन । सहयोगी दातालाई लालवहादुर चौधरीको नाममा रहेको खाता नं. 022130204060000001 मासहयोग गर्न बाबुले अनुरोध गरेका छन ।
















