साइनो समाचारदाता/ पथरी, १७ भदौ : पुर्वी उत्तरी मोरङका पत्रकारहरुको साझा संगठन सञ्चार क्लव नेपाल उर्लाबारीको अध्यक्षमा उर्लावारीका राससकर्मी कुमार खड्का विजयी भएका छन । सञ्चार क्लवको २० औं चुनावी साधारणसभामा अध्यक्ष र महा सचिव दुई पदमा मात्र निर्वाचन भएको थियो ।

४१ जना सदस्य रहेको सञ्चार क्लव नेपालमा अध्यक्ष खड्काले २१ मत प्राप्त गरेका थियो । उनका प्रतिस्पर्दी पुर्व अध्यक्ष घनश्यम भण्डारीले १७ मत प्राप्त गरे भने अर्का उमेद्धार विजय धिमालले १ मत प्राप्त गरेका छन । त्यस्तै महासचिवमा तिलक नेपालीले २३ मत प्राप्त गर्दा उनका प्रतिस्पर्दी प्रेम प्रसाद भट्टराईले १६ मत प्राप्त गरेका थिए ।
क्लवको महासचिवमा तिलक नेपाली निर्वाचित भएका छन । अन्य पदमा भने सर्वसमत पदाधिकारी चयन भएको थियो । सहमतीबाट उपाध्यक्षमा सुमन घिमिरे, सचिव खनेन्द्र राई, कोषध्यक्ष इश्वर दुलाल सदस्यहरु, रेनुदेवि निरौला, खड्ग बेदना चयन भएका छन ।
क्लवले २० औं बार्षिक साधारणसभामा उर्लावारीका समाजसेवी जयधर्म आचार्यले स्थापना गरेको “लिला गोमा आचार्य स्मृति पत्रकारिता पुरस्कार” बाट चार जना संचारकर्मीलाई सम्मान गरेको छ । संचाकर्मी मोहन नेम्वाङ, किसोर श्रेष्ठ, खड्ग बेदना र रेनुदेवि निरौलालाई सम्मान भएका हुन ।
सम्मानीत संचारकर्मीलाई कार्यक्रमका प्रमुख अतिथि कोसी प्रदेश संसद उमाकान्त गौतम र विशिष्ट अतिथी शोभा चेम्जोङ सम्मान गर्नु भएको थियो । कार्यक्रममा नवनिर्वाचित कार्य समितिलाई निर्वाचन समितिका संयोजक जयधर्म आचार्यले बधाई सहित सफल कार्यकालको सुभकामना दिनु भएको छ ।
















