दिपेश सार्की ( रोक्का ) / पथरी पथरी , ९ भदौ
नेपाल बिद्यार्थी संघ नगर पथरी शनिश्चरे नगरकार्य समितीको आयोजना एक दिने एक दिवस वृहत प्रशिक्षण कार्यक्रम सम्पन्न भएको छ । पथरी बहुमुखी क्याम्पसको सभाहलमा भएको कार्यक्रममा ने वि संघ पुर्व अध्यक्ष गुरुराज घिमीरेले प्रशिक्षण दिनु भएको थियो । कार्यक्रमका प्रमुख अतिथी घिमिरेले नेपाल बिद्यार्थी संघ मोरङका इकाई समितीका सदस्य स्ववियु सदस्यहरुलाई प्रशिक्षण दिनु भएको हो ।

घिमिरेले नयाँ पुष्ताका विद्याथीमा नेपाल बिद्यार्थी संघकाे स्थापना, काम, कर्तब्य र नेपाल बिद्यार्थी संघको राजनितिक स्थिति बारे प्रशिक्षण दिनु भएकी थियो । कार्यक्रमलाई सम्बोधन गर्दै घिमिरेले नेपाली काग्रेसको राजनितिमा नेबि संघको ठुलो भुमिका रहेको र स्थापना कालदेखि नै बिद्यार्थीको हकहितको लागि लड्दै आएको बताउनु भयो । अबको ने वि संघका सदस्यले प्रत्येक मा वि का विद्यालयमा सदस्यता विस्तार गर्दै अगाडी बढ्नु पर्ने बताउनु भयाे । घिमिरेले गिद्दको उदाहरण दिदै भने ४० बर्षा पछि गिद्दको चुचोले काम गर्दैन त्यसैले गिद्दले महिनै लगमएर ठुलो ढुङगामा रगत्याम हुदै चुच्चो उध्याउछ र अरु फेरि ४० बर्ष सिकार गर्न सक्छ । त्यस्तै अब नेपाली काग्रेंस र ने वि संघले आफ्नाे रणनिती परिवर्तन गरि चुच्चो उध्याउने बेला भएको बताउनु भयो ।

कार्यक्रममा काग्रेस नेता बसन्त भट्टराई, गणेश खडका, रुपनारायण भट्टराई लगाय नेपाल विद्यार्थी संघका केन्द्रीय सदस्य सुविन पराजुली, रोशन पराजुली, गिरिस साँवा जिल्ला सभापती सरोज पोख्रेल लगायतको उपस्थिती रहेकाे थियो । कार्यक्रममा पथरी बहुमुखी इकाइ सभापति तथा स्ववियू सभापति केशर राईले शुभकामना मन्तब्य राख्नु भएको थियो ।

नेबि संघका बिद्यार्थीहरुको नेतृत्व बिकास गर्नको लागि प्रशिक्षणको आयोजना गरेको नेबि संघ पथरी शनिश्चरे नगर सभापति सागर बरालले बताउनु भयो । नेबि संघका बिद्यार्थीहरुले नेपालको राजनितिमा कस्तो भुमिका निर्वाह गरेको हुन्छ र युवामा देश प्रतिको जिम्मेवारी जागरुक गराउने उदेश्यले कार्यक्रमको आयोजना गरेको बरालको भनाई छ ।

















