दिपेश सार्की/कानेपोखरी, ३ भदौ
भनिन्छ कोहि नहुनेका लागि भगवान हुन्छन । मोरङको कानेपोखरी गाउँपालिकाका गरिब तथा विपन्न परिवार सानो भए पनि सहारा पाउदै आएका छन । जब विपद पर्छ त्यति बेला पिडितहरु पिडामा सारथी बनेर आउछन कानेपोखरी गाउँपालिका वडा नं. ३ का देबेन्द्र लुइँटेल ।

सामाजिक कार्यमा रमाउने लुईटेल आफ्नो तर्फबाट प्रत्येक बर्ष गरिब असायहरुलाई सहयोग गर्दै आइरहेका छन । उनको सामाजिक कामले उनि समाजमा उदाहरण बन्नै गएका छन । काठमाडौमा सानो तिनो ब्यापार ब्यावसाय गर्दै आएका लुइटेल मोरङ कानेपोखरी बासीको दुख देख्नै सक्दैन्न । काठमाडौ होस या कानेपोखरी उनिले भेटेका र थाहापाएका समस्यामा परेकालाई सहयोग गर्नु उनको मुल मर्म रहेको छ ।

जब पिडितलाई अप्ठ्यारो पर्छ त्यति बेला सहयोग गर्न पुगिहाल्छन । समाजमा विभिन्न समस्याहरु आइपर्दा कहिले पछाडी नहट्ने लुईटेल बालबालिकाहरु पढनबाट बन्चीत हुनु नपरोस भनेर प्रत्येक बर्ष कपि पेन्सिल बितरण गर्ने गर्दछन । लुइँटेलको पहलमा काठमाडौ र कानेपोखरीका विभिन्न स्थानमा कानेपोखरी बासीका लागि स्वास्थ सिविर संचालन भएका छन । काठमाडौमा समस्यामा परेका कानेपोखरीबासीलाई घर सम्म ल्याउन यातायातको समेत बन्दोबस्त गरेका छन ।
देबेन्द्रको सानो सानो सहयोगले कानेपोखरीका विभिन्न ठाउँहरुमा भौतिक पुर्वधारका काम समेत भएका छन । युवा पुस्तालाई कुलतबाट मुक्त गर्दै स्वस्थ रहन विभिन्न क्लब तथा विधालयमा खेलकुदका सामाग्रीहरु वितरण गर्ने जस्ता कार्यहरु गर्दै आएका छन ।

समस्या संग सामना गरेर समस्यलाई हल गर्न लाग्ने लुइँटेल कोराना भाइरसको महामारीको समयमा घर घरमा गएर प्रथमिक उपचारमा सहयोग गरेका थिए । लुईटेलले गाउँ घरमा चलाएको माक्स वितरण अभियानले धेरै विरामीहरुलाई राहत मिलेको थियो ।
व्यक्तिगत समस्यबाट माथि उठेर समाज सेवामा आफूलाई समर्पित गर्ने देबेन्द्र लुइँटेलहरु जस्ता व्यक्तिको समाजलाई खाचो छ । लुइँटेल युवा पुस्ताका लागि प्रेरणाको श्रोत बन्न सक्दछन् । सबै नागरिकले आ–आफ्नो स्थानबाट थोरै मात्र समाजको हितमा समय खर्चिन सके समाज परिवर्तनमा ठुलो सहयोग मिल्ने लुईटेल बताउछन । युवा देशको शक्ती भएकाले यूवा पुस्ताहरुलाई समाज सेवामा लाग्न लुइँटेल अनुरोध गर्नुहुन्छ ।

















